Дуучин С.Жавхлан тэмээн хөсгөөр Увс руу нүүнэ

Нэг хэсэг улстөрөөр амьсгалж УИХ-ын сонгуульд хоёр ч удаа өвдөг шороодсон дуучин МУГЖ С.Жавхлан төрд багтах зайгүй гэдгээ мэдэрч улстөрөөр шоудахаа болив. Тэрбээр нийтийн дууны ханхүү нэртэйгээ үлдэх нь хэтэрхий чамламаар санагдсан уу яасан бүү мэд. Ямартай ч эх орон, газар шорооны төлөө тэмцэхээр шийдэж нэг хэсэг трактор комбайн унаж суулт зарлаж ч үзэв. Үүнээс гадна зөвхөн монголоороо амьсгална хэмээн монгол дээл, ээтэн гутлыг өвөл зунгүй өмсөн таваргаж байна. Харин түүний эл хийрхэл нь хэрээс хэтэрч тун удахгүй нийслэл хотоос нүүхээр шийджээ. Нүүх нүүхдээ машин тэргээр ч нүүхгүй тэмээн жингийн цуваа хөтлөн явганаар Увс нутагтаа очих гэнэ. Тэгэхээр Увс явах замд гавъяат дуучин маань тэмээн хөсөг хөтлөн таваргаж явбал гайхаад байх хэрэггүй. Эх орноо гэсэн сэтгэлтэй, ээтэн гуталтай жирийн нэгэн залуу Монголоороо амьсгалж, монгол нутагаа буурь сэлгэхээр нүүж байгаа нь тэр юм шүү.

Ж.Хулан

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 1 )

боогий [ 119.40.97.108 ]      |     12-р сарын 02 -нд, 07:27 минутанд

салаавч ч багадана