МИАТ-ын анх өмчилсөн “Боинг 767-300ER” онгоцны тухай 20 коммент

 Монголын Үндэсний агаарын тээвэрлэгч МИАТ компанийн шинэ “Боинг 767-300ER” агаарын хөлөг онгоцоо өнөөдөр Монголынхоо үйлчлүүлэгчдэд танилцуулхаар боллоо. Зам тээврийн яамны төрийн нарийн бичгийн даргаар ахлуулсан хүмүүс 5 сарын 14-ны шөнийн 01.00 цагийн үед АНУ-д шинэ онгоцоо хүлээж авчээ. Мөн МИАТ-ын инженер техникийн ажилтнууд шинэ “Боинг 767-300ER онгоцны техникийн бичиг баримтуудаа хүлээн авсан байна. Харин Монголын Үндэсний агаарын тээвэрлэгч МИАТ компанийн шинэ “Боинг 767-300ER” агаарын хөлөг онгоцоо өнөөдөр Монголынхоо үйлчлүүлэгчдэд танилцуулхаар боллоо.

1. Өнөөдөр АНУ-ын Сиатл хотоос Улаанбаатарт газардаж буй МИАТ компанийн “Боинг 767-300ER” онгоц нь Монголын анхны өмчлөлийн эрхтэй зоричигч тээврийн онгоц юм.
2. МИАТ-ийн  одоо нислэг үйлдэж байгаа дөрвөн онгоцыг 10-16 жил түрээслэн ашигласан байна.
3. Сүүлийн онгоцны түрээсийн хугацаа 2016 оны дөрөвдүгээр сард дуусах аж. МИАТ өрийн өмчийн онгоцтой болж буй нь том дэвшил юм.
4. Ерөнхийлөгч Ц.Элбэгдорж 2010 онд АНУ-д албан ёсны айлчлал хийх үеэрээ “Боинг” компаниас гурван зорчигч тээврийн онгоц авахаар гарын үсэг зурж байжээ.
5. МИАТ компани нь гурван ширхэг агаарын хөлөг худалдан авах гэрээ байгуулсны эхнийх нь “Боинг 767-300ER” бөгөөд 2016 онд “Боинг” компаниас дахин хоёр онгоц авах нь Боинг 737-800ER загварынх юм.
6. Уг онгоцыг худалдан авах хөрөнгийг бондын хөрөнгөөс гаргаж байгаа аж.
7. МИАТ компани харин бондын хөрөнгөөс авсан мөнгөө эргүүлэн төлөх нөхцөлтэй байгаа юм.
8. “Боинг 767-300 ER” онгоцыг алсын зайн нислэгт ашиглах юм.
9. Онгоцыг худалдаж авах санхүүжилтийн 20 хувийг дотоодын банкуудаас гаргасан бол үлдсэн 80 хувийг Хөгжлийн банкнаас гаргажээ.

10.   МИАТ компанийн ахмад настнууд тэтгэврээс 30000, 10000 төгрөг цуглуулан,  нийт 2 900 000 төгрөгийг шинээр худалдан авах агаарын хөлгүүдийн санхүүжилтэд зориулан хандивлажээ.

11.   “Боинг 767-300ER” онгоцыг анхны нислэгийг 1982 онд United Airlines компани үйлдаж байсан бөгөөд 2012 оны байдлаар Боинг компани ийм загварын 1040 ширхэг онгоц үйлдвэрлэжээ. Тус компанийн сайтад “Боинг 767-300ER” нь 182.8 сая долларын үнэтэй гэжээ.

12.  Ижил төрлийн агаарын хөлөгтэй харьцуулахад газарт буулгүйгээр 11.000 км нисэх чадвартай ба нийт 220 зорчигчийн суудалтай бөгөөд үүний 25 нь бизнес ангилал, 195 нь энгийн ангилалтай юм.

13.   Шатахууны багтаамж нь 90,770 литр.

14.   Хөөрөлтийн урт 2,530 км, хөдөлгүүрийн төрөл GE CF6-80C2B7F, хөдөлгүүрийн чадал 28150 кгс.  “Боинг 767-300ER” онгоцны хөдөлгүүрийг “Роллс ройс” компани үйлдвэрлэжээ.

15.   Нислэгийн хурд 851 км/ц.

16.  Далавчны урт 47,6 метр, сүүлний өндөр 15,8 метр, бүхээгийн өргөн 4,7, нийт урт 54,9 метр.

17.  Энэ загварын онгоцыг “Delta Air Lines”, “American Airlines”,  “United Airlines”
“All Nippon Airways” гэсэн зорчигч тээврийн компаниуд ашиглаж байна.

18.   Сонирхолтой нь энэ загварын онгоцоор Чилийн Ерөнхийлөгч нисдэг бөгөөд тус улсын армийн өмч аж.

19.   МИАТ хувьцаат компани нь энэхүү агаарын хөлгөөр тогтмол нислэг хийхийн хажуугаар захиалгат нислэгээр аялал жуулчлалын эрэлттэй бүс нутаг болох Дубай, Саньяа, Сингапур, Ханой, Бангкок, Чежү арал зэрэг хотууд руу нислэг үйлдэхээр төлөвлөжээ.

20.  Монголын анхны “Боинг 767-300ER” Сиатл хотоос Улаанбаатар хот хүртэл анх удаа шууд нислэг хийж дөнгөж сая Буянт-Ухаад газардлаа.