Ж.Алтанцэцэгийн бяцхан охин ээжтэйгээ хамтран дуулна

Рок попын ертөнцөд авъяас чадлаараа хэнтэй ч эгнэшгүй сайн дуучин гэвэл поп дива Ж.Алтанцэцэгийг хэлнэ. Тэрээр ирэх сарын 1-нд “Соёлын төв өргөө”-нд “Алтанцэцэг” хэмээх өөрийн бие даасан 3D тоглолт хийхээр үзэгч фэнүүдээ баярлуулаад байна. Жил бүрийн 6 сарын 1-нд хүүхэд багачуудад зориулсан тоглолт хийдэг уламжлалтай. 2011 онд “Хүүхэд насны дурсамж”, “Ногоон орчин бидний ирээдүй” зэрэг тоглолтуудаа хүргэсэн билээ. Тэгвэл энэ удаа дуучин бүсгүй тоглолтондоо маш их хөрөнгө, хөдөлмөр зарцуулж орчин үеийн техник технологийн дэвшлийг ашигласан “3D” гэрэл болон хлограммыг ашигласан байна. 

Тоглолтын ерөнхий найруулагчаар Монгол Улсын төрийн шагналт, МУГЖ Д.Сосорбарам ажиллах бөгөөд урилгаар МУГЖ Б.Дашдондог,Поп дива С.Наран, МУСТА Ө.Уянга, Ц.Хулан, Б.Маралжингоо, А.Түмэн-Өлзий, Ж.Чингис, Хүүхдийн ордны найрал дуучид оролцох юм. Түүнчлэн МУГЖ Ж.Алтанцэцэгийн бяцхан охин ээжтэйгээ хамтран дуулж нэгэн сюрприз барих нээ.