Нэр дэвшигч Б.Бат-Эрдэнэ өрсөлдөгчиддөө хандаж уриалга гаргажээ

Автор | Zindaa.mn
2013 оны 06 сарын 06

Ерөнхийлөгчийн ээлжит сонгуульд МАН-аас нэр дэвшигч УИХ-ын гишүүн, дархан аварга Б.Бат-Эрдэнэ нэр дэвшигч Ц.Элбэгдорж, Н.Удвал нарт хандан уриалга гаргасан байна.

Тэрээр уг  уриалгадаа:

-Монгол Улсын Ерөнхийлөгчийн ээлжит сонгуульд нэр дэвшин өрсөлдөж байгаа та бүхэндээ амжилт хүсье.

Өнгөрсөн оны Монгол Улсын Их Хурлын болон орон нутгийн ээлжит сонгуулиар анх удаа Монгол Улсад саналыг автомат машинаар тоолж, дүнг гаргасан билээ. Гэтэл сонгуульд өрсөлдсөн улс төрийн намууд болон иргэд сонгогчид эдгээр сонгуулийн санал тоолох, дүнг гаргах үед гарсан будлиан зөрчлийн талаар ноцтой жишээ баримтыг гарган тавьж, сонгуулийн дүнг гараар тоолон баталгаажуулах шаардлага хүсэлтээ байнга илэрхийлсээр байна.

Энэ удаа ч иргэд сонгогчидтой уулзах үеэр тэдний зүгээс хамгийн ихээр тавьж байгаа санал хүсэлт бол энэ сонгуулийн саналыг гараар давхар тоолон баталгаажуулах тухай асуудал бөгөөд үүнийг Та бүхэнд ч бас адилхан тавьж байгаа нь тодорхой.

Үнэхээр шударга ёсыг тогтооё гэж Та бүхэн үзэж байгаа бол энэ сонгуулиас эхэлье. Сонгогчдын өгсөн саналыг тоолж дүнг гаргах ажлыг маргаангүй, хардлага, сэрдлэггүй, нээлттэй,хяналттай зохион байгуулах ёстой гэж үзэж байна. Ингэж чадвал ард түмэн сонгуулийн дүнг нийтээр хүлээн зөвшөөрч, шударга ёс тогтож эхэллээ гэж үнэлэх болно.

     Иймд эрхэм нэр дэвшигч Та бүхэн энэ сонгуулийн дүнг бүх хэсэг дээр, ийм боломжгүй гэж үзвэл хүн ам ихээр төвлөрсөн Улаанбаатар хот, Дархан-Уул, Орхон, Хөвсгөл аймгуудын нийт хэсгүүдэд саналын хуудсыг гараар давхар тоолон баталгаажуулахад санал нэгдэхийг уриалж байна.

Нэр дэвшигчид энэ зарчим дээр санал нэгдэх юм бол Ерөнхийлөгчийн сонгуулийн тухай хуульд нэмэлт, өөрчлөлт оруулахгүйгээр УИХ эсхүл Сонгуулийн ерөнхий хорооноос гаргах бусад шийдвэрээр зохицуулж болно гэж үзэж байна.

Энэхүү уриалгын хариуг 2013 оны 6 дугаар сарын 10-ны дотор ирүүлэхийг хүсье

             Харгүй сайхан, жудагтай, цэвэр шударгаар өрсөлдөцгөөе

Хүндэтгэсэн Монгол Улсын ерөнхийлөгчид нэр дэвшигч:

                                                                                Бадмаанямбуугийн Бат-Эрдэнэ гэжээ

Сэтгэгдэл ( 9 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ардчилсан нам(202.70.41.140) 2013 оны 06 сарын 09

би дэмжихгүй ээ машинаар луйвардах гэж л сонгуульд орсон

0  |  0
____(202.70.41.140) 2013 оны 06 сарын 09

ардчилсан нам дэмжихгүй бол тэмцэл хийх болноо

0  |  0
cccc(202.70.41.140) 2013 оны 06 сарын 09

гараар санал тоолж баталгаажуулах зайлшгүй хэрэгтэй зөв санал .бүхнэрдэвшигчи

0  |  0
Teneg(85.2.196.167) 2013 оны 06 сарын 06

Teneg komnist deeremchdiiin tos dolooson harh tsever baij haragdaaach

0  |  0
BB(219.207.14.146) 2013 оны 06 сарын 06

Beleehen huuli baisaar baital heregeer iim yum yarih ch demii l dee. Songuuliin erunhii horoo ene ter ni ene hundee anhaaruulaasai.

0  |  0
ЗОЧИН(203.194.115.177) 2013 оны 06 сарын 06

ЗӨВ САНАЛ БАЙНА ЕР НЬ ЯАГААД ШАЛГАЖ БОЛОХГҮЙ ГЭЖ

0  |  0
зочин(203.194.114.72) 2013 оны 06 сарын 06

Хазайсан хаан төрийг хатан ухаанаар эмхлэх цэгцлэх цаг болсон Улсаа худалддаг эрчүүдээс уруулаа будсан хүүхнүүд дээр

0  |  0
миний(202.170.68.89) 2013 оны 06 сарын 06

“Шударга үнэний төлөө хамтдаа тэмцэхийг хүсвэл” Ерөнхийлөгчөө дэмжье.

0  |  0
зочин(202.70.47.154) 2013 оны 06 сарын 06

Сонгуулийн хууль тогтоомж зөрчихийг уриалсан агуулга бүхий сурталчилгаа явуулахыг хуулиар хориглосон

0  |  0
Top