Шүлхий өвчний улмаас 1264 мал устгалд оржээ

Өнгөрсөн  сард Баян-Өлгий аймгийн Сагсай суманд мал амьтны гоц халдварт шүлхий өвчин гарсан юм. Энэ хугацаанд вакцинжуулалт хэрхэн хийгдсэн болон өвчлөлтэй холбоотой бусад асуудлаар Мал эмнэлэг, үржлийн газрын даргаас тодруулхад

“Баян-Өлгий аймгийн Сагсай суманд мал амьтны шүлхий өвчин гарч, яаралтай арга хэмжээ авч байгаа ба одоогийн байдлаар 1264 мал өвчилснийг устгалд оруулсан. Баян-Өлгий аймгийн адуунаас бусад бүх малыг хоёр удаа шүлхийгээс сэргийлэх вак­цинд хамруулж одоо­гоор хоёр дахь ээлжийн вак­цинжуулалт үндсэндээ дуусчээ. Хорио цээрийн дэглэм хэрэгжүүлж, аймгийн төвийг тойрсон постууд байгуулсан бөгөөд халдварын голомтын эргэн тойрны орох гарах замуудад ариутгал хяналтын постууд байгуулж, мэргэжилтнүүд байнгын үзлэг хийн ажиллаж байна.