Биеэ үнэлэгчийн баг зүүж, хуурамч хаяг нээсэн Х.Тэмүүжингийн дайсан хэн бэ

Тэмүүжин сайдын нялх амраг 17 настай юм гэнэ, Сайдаар I Phone авахуулжээ хэмээн шуугиан тарьсан долоо хоног төгсгөлөө үзэж байна. О.Баасанхүү гишүүн Хууль зүйн сайдыг огцруулах хуулийн төсөл өргөн барьснаар энэ асуудал хурцадсан гэж болох. Гэсэн ч ажил хэрэг хууль, улс төрийн халуухан үйл явдлын хажуугаар янаг амрагийн тодотголтой ёс зүйгүй мэдээлэл синсаци болов. Хууль зүйн сайд Х.Тэмүүжинг яагаад гурван хүүхэд, эхнэрээ  насанд хүрээгүй охиноор "сольсон" талаар олон нийт сонирхож байгаа.

Харин сайдтай хувийн харьцаатай гэгдэх охины хувьд “Намайг Г.Сарангэрэл гэдэг би Х.Тэмүүжин сайдтай бэлгийн харьцаатай байсан нь үнэн" гэх утгатай зүйлүүдийг хууль цагдаагийнханд ярьсан. Мэдээж эцэслэн шийдэгдээгүй байгаа хэргийг  цагдаагийнхан хэвлэлд ам нээгээгүй. Гэтэл Г.Сарангэрэл   гэгч би бол сайдын нууц амраг хэмээн зарлах шахам статус ыг цахим хуудсаараа илгээж олны анхааралд илт орохыг хичээж байгаа нь тун сонирхолтой.  Ингээд хиймэл давхраа хйилгэж, хүүхэлдэй мэт нүүрээ будан хагас нүцгэн зургаа олонд  дэлгэсэн Г.Сарангэрэлийн  фэйсбүүк хуудсыг үзэхэд л хэнд ч ойлгомжтой. Тодруулбал 4 дүгээр сарын 5-нд нээсэн энэ хуудсанд ердөө охиныг биеэ үнэлэгч болгон харагдуулах статус, зураг байгаа. Сайдын амрагийн явдлын тухай синсацитай жүжиг анхнаасаа л тавилттай жүжиг байж. Харин энэ хэргийн цаана хэн байгаа нь  сонирхол татаж байгаа. Хамгийн эрсдэлтэй зйүл бол уг хэрэгт холбогдсож сэжигтнээр татагдаад байгаа охиныг интернетээр сайтууд биеэ үнэлэгч хэмээн "ам бардамнан" зарлаллаа. Үүний хохирогч нь Г.Сарангэрэл үү, насанд хүрээгүй охин, холбогдсон сайд эрхэм.

Ингээд  Х.Тэмүжин сайдын асуудлаар УИХ-ын гишүүн  Г.УянгынШударга ёс эвслийн бүлгийн хуралд хэлсэн үгийг сонирхуулж байна.

Манай нөхөд Х.Тэмүжин сайдыг огцруулах үндэслэлүүдийг хангалттай ярилцлаа. Бүлэг ерөнхийдөө санал нэгдэе гэж байх шиг байна. Би арай өөр бодолтой байгаа учраас саналаа хэлье. Нөхдийн ярьж байгаа үндэслэлүүдийн дотор бодууштай зүйлүүд байнаа. Тухайлбал эмнэлгийн барилгыг ажлын байр болгох гэж байгааг анх энэ асуудлыг сөхөж тавьсан хүний хувьд ч, Чингэлтэй дүүргээс сонгогдсон гишүүний хувьд ч би яагаад ч хүлээн зөвшөөрөхгүй байгаа. Хэрэв сайд Чингэлтэй дүүргийнхэнд үйлчилж байгаа ганц амбулатори дээр очиж үзвэл миний эсэргүүцлийг ойлгоно. Цагдаагийн хувцсыг Туркт оюулсныг өмгөөлөх үндэслэл байхгүй байна. Энэ хувцсыг Монголд оюулж болох л байсан.

ГЭХДЭЭ, би нэг зүйлд ихээхэн нухацтай хандаж байна. Тэмүжин сайд хуульзүйн салбарын шинэчлэлийн бодлогыг гаргаж тавьсан. Энэ бол олон жил бугшсан салбарын үүрийг бужигнуулсан үйлдэл байсан. Олон дарга цагдаа үүнд маш дургүй байгаа, яагаад гэвэл тэдний амь амьдрал тасрахад ойртсон учраас. Энэ салбар ямар аймар болсон бэ гэдгийг тэдэнтэй байнга тэмцэлддэг байсан хүний хувьд гадарлаж байна. Сая тойргоороо явж байхад, 10 мянган хүн амтай хороонд ганцхан хэсгийн байцаагч байна. Ганц хүн юундаа ч хүрэхгүй, унаа унаш ч байхгүй. Тэгэхэд ланд 570 унаж мөрийтэй тоглосон, гүзээтэй дарга цагдаа нар дээд түвшиндээ овоорсон байгаа. Тэд хэзээ ч хорооны цагдаа хийхийг хүсэхгүй. Яг л уруугаа харсан пирамид.

Ингэхэд та нар бодож үз дээ. Яагаад цагдаа дипломат, цагдаа элчин сайд болдог юм бол?! Энэ юу гэсэн үг вэ?! Цагдаагийн байгууллага өөрөө гэмт хэргийн үүр уурхай, өөрсдөө рэкетчин, шантаажчин. Ийм л үүрийг Тэмүжин сайд бужигнуулчих шиг болсон. Тэмүжингийн тухай ар араасаа цуварч байгаа энэ янз бүрийн яриа хэл дээрх үүр уурхайг ухаж төнхөж эхэлсний төлөөс биш биз?! Ямар ч үнээр хамаагүй өөрсдийгөө амьд авч үлдэх гэсэн улайрал шиг надад анзаарагдах боллоо.

Баасанхүү гишүүн гаргаж ирээд байгаа энэ баримтуудаа яаж олж авсан бэ? Хэн нэгний гар хөл болоогүй байгаа гэж бас бодогдож байна. Ийм учраас би асуудлыг одоо санал хурааж мухарлахын эсрэг байна. Ямар ч байсан Тэмүжин сайдыг сонсох ёстой гэж бодож байна. Түүний дараа ямар санал өгөхөө шийднэ.

Нөгөө талаар өнөөг хүртэл хуульзүйн салбарын шинэчлэлийн талаарх Тэмүжин сайдын бодлогыг эсэргүүцсэн хүн олон байгаа ч өөрийн альтернатив хувилбараа сөргүүлэн тавьсан хүнийг би олж харсангүй.

Харин Х.Баттулга сайд ингэж ярьжээ.

:Хэн нэгнийг буруутгахаас өмнө нухацтай ярилцах хэрэгтэй...

Сүүлийн үед Х.Тэмүүжин сайдыг огцруулах асуудлын ард ҮХАА-н сайд Х.Баттулга байгаа гэх мэдээлэл гарах болсон.

Мөн ам.долларын ханшийг барьж чадахгүй, эдийн засгийг хүндрэлд оруулсан хэмээн салбарын сайд болон Монголбанкийг буруутгаж байгаа. Тэгвэл энэ талаар ҮХАА-н сайд Х.Баттулгаас цөөн асуултад хариулт авлаа.

-Хэвлэл мэдээлэлээр Х.Тэмүүжин сайдыг огцруулах асуудлын ард таныг байгаа гэх мэдээлэл гарах болж. Та үүнд ямар тайлбар өгөх вэ?

-Х.Тэмүүжин сайдыг огцруулах асуудлыг Хууль зүйн байнгын хороогоор хэлэлцэж байгаа. О.Баасанхүү гишүүн үүнийг өргөн барьсан. Тиймээс энэ асуудлыг түүнээс л асуух ёстой байх. Үүнтэй холбоотой цуурхлыг надтай холбосон байна билээ. Манайхан цуурхлыг дэндүү сайн шүүрч авдаг. Энэ асуудлын учир тайлагдах нь цаг хугацааны асуудал байх.

-Засгийн газарт хариуцлага тооцох асуудал яригдаж байгаа. Энэ талаар таны байр суурь ямар байгаа вэ?

-Өнөөдөр эдийн засгийн хямрал, ам.долларын ханшийн зөрүү, алдагдал гарч байгааг бизнес эрхлэгчид хэлж байгаа. Үүнийг нуух арга байхгүй. Харин хямралаас яаж гарах вэ гэдэг асуулт байна. Хямралыг дагуулж улс төр хийвэл нэг өөр. Монгол Улсыг эрүүл саруул эдийн засагтай болгох гарц бий. Бид дотроо хагаралдаад байвал Украйны араас л орно. 45 сая хүнтэй Европод оршдог иргэншсэн орон ийм байдалд орж байгаа учраас манайхан энэ асуудлыг нэг номерт тавих учиртай. Тиймээс Засгийн газар, бид нар л хариуцлага хүлээх ёстой.

-Монголбанкнаас буруу бодлого явуулснаас үүдэн ам.долларын ханш өссөн тухай яригдах болсон та үүнийг юу гэж үзэж байна вэ?

-Үүнийг хоёр шалтгаантай гэж хэлмээр байна. Нэгдүгээрт, хөрөнгө оруулалт буурсан. Өөрөөр хэлбэл, гаднаас орж ирэх ам.долларын урсгал буурсан гэсэн үг. Хоёрдугаарт, 2010 оноос хойш нэг улс руу нэг бүтээгдэхүүн буюу нүүрс гаргах замаар эдийн засгаа тооцоолж байсан нь алдаа болсон. Өөрөөр хэлбэл, ганцхан Хятад улс руу төдий хэмжээний тонн нүүрс зарна гэж зах зээлээ тооцоолчихдог. Ганцхан зах зээл рүү ганцхан бүтээгдэхүүн шахахаар яаж үнэтэй авах билээ. Тиймээс бүтээгдэхүүнийг маш олон төрлөөр экспорт хийх зорилгоор төмөр замын бодлогыг батлуулсан. Харамсалтай нь төмөр замыг ганцхан урагшаа тавьж, нүүрсэнд тооцоо хийсэн. Үүнийг зориулалтаар хийсэн.

Өөрөөр хэлбэл, албаар эдийн засгийг дампууруулсан хэмжээ рүү оруулж байгаад эргээд зээл авна. Өнөөдөр ганцхан БНХАУ зээл өгч байгаа. Тэгэхээр эдийн засгаа хямдхан худалдах нөхцлийг өнгөрсөн 3-4 жилийн хугацаанд хийсэн бодлогын үр дүнд үүнийг нотолж байна. Монголбанкны бодлого гэж байхгүй.

Төв банк өнөөгийн эдийн засгийн бүтэц дээр бодлогоо гаргадаг. Нэгэнт хөрөнгө оруулалт буурч, экспортын ганц төрөл байгаа болохоор Монголбанкийг буруутгаж байгаа юм. Үүнийг өнөөдөр бүгдээрээ мэдэж байгаа. Би дахиад хэлье. Өнөөдөр эдийн засгийг элгээр нь хэвтүүлж байгаад Хятадаас тусламж гуйх арга руу орж байна. Одоо хэн нэгнийг буруутгахаас өмнө үүнийг нухацтай ярилцах хэрэгтэй. Энэ асуудлыг шийдэх нь өнөөдөр бодлого барьж байгаа төрийн түшээдтэй холбоотой.

-Төмөр замын ажил зогссон гэх зүйл яригдаад байгаа. “Самсунг” компанийн бүх тоног төхөөрөмжийг аймгаас битүүмжилж, ажил хэзээ эхлэх нь тодорхойгүй байна гэх мэдээлэл байна?

-Үүнийг Зам тээврийн яамнаас тодруулсан нь дээр болов уу. Миний ойлгосноор төмөр замын ажилд бондоос 200 сая ам.долларыг өгсөн. Энэ хэмжээний ажил хийгдээд дуусч байгаа. Яагаад үүнийг би сонирхоод байна вэ гэхээр Сайншандын аж үйлдвэрийн парк манай яаманд хамаатай учраас нэмүү өртөг үйлдвэрлэх Сайншандын аж үйлдвэр рүү түүхий эд төмөр замаар л явах учиртай. Төмөр замыг урагшаа нарийн царигаар оруулах юм бол Сайншанд руу түүхий эд очихгүй. Ингээд Сайншандын аж үйлдвэрийг дампууруулах бодлого болж байгаа юм.