УИХ-аар дэмжигдсэн давхар дээлний асуудлыг өнөөдөр төрийн байгуулалтын байнгын хороогоор 14:00 цагт хэлэлцэхээр байсан юм. Аль хэдийн цаг болсон ч МАН-ын гишүүд л ирсэн. Харин АН-ын гишүүд байнгын хорооны хуралдаанд ирсэнгүй 40 минут хүлээлгэлээ. Аргаа бараад, ирц бүрдээгүй гэдэг шалтгаанаар хойшлууллаа. Үүнд МАН-ын гишүүд бухимдалтай байгаа бөгөөд давхар дээл тайлах асуудлыг дахин дахин шаардана. АН-ынхан бохир юм хийж байна гэцгээлээ. Учир нь давхар дээлийг тайлах хуулийн төсөл ирэх долдугаар сараас хэрэгжих юм бол одоогийн засагт томоохон өөрчлөлт орох учраас АН-ын зүгээс гишүүдээ дарамталж, давхар дээлийг тайлахыг дэмжвэл намаас хөөнө гээд байгаа аж.
Н.Ганаа
Сэтгэгдэл ( 0 )