Барилгаас төмөр унаж хүүхдийн нүдийг гэмтээсэн хэрэг гарлаа

Аморе зочид буудлын өргөтгөлийн баригдаж буй барилгаас төмөр унаж бас нэг бяцхан охин эрүүл мэндээрээ хохирлоо. Хоёр цагийн өмнө хичээлээ тараад ээжийнхээ хамтаар явж байсан охины толгой дээр барилгын өргөтгөлөөс төмөр унан хүнд гэмтээсэн байна.  Осол болсон газрын ойролцоо цэцрлэг сургууль их байдаг ч ямар нэг тусгаарлах хашаа, хамгаалах саравч байгаагүй нь ийнхүү ослын шалтгаан болжээ.

Охины ээж “Гэмтлийн эмнэлэгт хүүхдийнхээ толгойд оёдол тавиулж байна, шарх нь маш гүн гэж эмч нар хэллээ. Барилгын ажил явуулж байж ямар ч хамгаалалт байхгүй. Охин маань хичээлээ тараад явган хүний явах ёстой замаараа явж байгаад л ингэж гэмтлээ” гэж ярьлаа.

Барилгын салбарынхны хайхрамжгүй байдал хэдэн хүний аминд хүрч байж эцэслэх вэ. Дөнгөж өнөө өглөө Хүннү барилгаас ажилтан нь унаж амиа алдсан талаар бид мэдээлсэн. Салбар нь энэ асуудалд ноцтой анхаарал хандуулахгүй бол барилгын ажил эхэлж буй энэ үед нийслэлчүүд амьд явахад хэцүү болжээ.