Торгууль, шийтгэврийн мөнгөөр төсөвждөг төр

Монголын эдийн засгийн форумаас “Монголын бизнесийн дээд хэмжээний уулзалт 2014” ээлжилт чуулганыг  Блю скай цамхагт эхэлж,  үргэлжилэл нь ” Их тэнгэр” цогцолборт өрнөсөн. Энэ мэтчилэн олон  чуулга уулзалтыг тансаг зэрэглэлд зохион байгуулж гадны зочидыг уриад ч тусыг эс олов. Уг нь Засаг газраас Эдийн засгийг эрчимжүүлэх хүрээнд авч хэрэгжүүлж буй арга хэмжээний нэг болгож бизнес эрхлэгч, хувийн хэвшлийг дэмжиж, тэдгээрийн санал бодлыг сонсч, асуудлыг шийдэх зорилготой уг бизнесийн дээд хэмжээний уулзалтад төрийн өндөрлөгүүд ихээхэн ач холбогдол өгч буй. Харамсалтай дээд хэмжээнд чуулсаар байтал Эдийн засгийн хямрал хувийн хэвшлийнхнийг толгой дараалан залгиж байна.

Ийнхүү дампуурсан хувийн хэвшлийн тоонд жижиг дунд бизнес эрхлэгчид орох бөгөөд өнөө бор зүрхээрээ явдаг хэдэн хиамны цехээс эхлээд захирал нь УИХ-ын гишүүн биш жижиг компаниуд багтана. Тэд торгууль шалгалт, дарамтнаас залхаж хаалгаа барьснуу гэвэл үнэн.

Харин өнөөдөр төр торгууль шийтгэврийн мөнгөөр төсөвжиж байгаа талаар зарим нэг гишүүд халаглаж сууна. Тодруулбал УИХ-ын гишүүн Ж.Энхбаяр өнгөрөгч чуулган дээр сайдуудын амыг асуухын зэрэгцээ Ерөнхий сайдаас ард иргэдээ торгож төсвөө цуглуулж байгааг буруушааж суугаа харагдсан.

Ганцхан жишээ дурдахад л “бидний чанаргүй, муу, төсвийн мөнгийг хэрэггүй зүйлд зарцууллаа” хэмээж байсан замын цагдаагийн торгууль унших төхөөрөмж өдгөө төсвийн орлогыг 3 дахин нэмэгдүүлж байгаа сурагтай.   Чухам энэхүү төхөөрөмжөөр замын цагдаагийн ажлыг хөнгөвчилж, иргэдэд хүндрэл бэрхшээл гарахаас сэргийлж чадна гэж байсан бол өнгөрөгч сарын төсвийн орлогыг нэмэгдүүлж байгаа тухай баримт сөхөгдсөн.

Уг нь "Иргэний орлцоотой төсөв 2014" хэмээх үг төсвийн мөнгийг иргэний оролцоотой зарцуулах биш иргэнээр нөхүүлэх замруу аль хэдийнэ шижээд байгаа.
Иргэдийн халааснаас торгууль нэрээр гарч олон тэрбумаар төсөвт нийлдэг энэ байдал ажилгүй төрийг амташуулж байгаа гэдгийг олон хүн хэлэх биз ээ.