Өнөөдөр дэлхий даяар алтнаас илүү хэрэгтэй зүйл бол цэвэр ус болоод байгаа. Дэлхийн гадаргын 71% нь ус байдаг бөгөөд үүний 97,5% далайн ус, 2,5% нь цэвэр ус юм. Үүнээс манай улсад ноогдож байгаа цэвэр ус, дэлхийн нийт цэвэр усны зөвхөн 0,00004% байдаг. Манай улсын хувьд нэг хүнд ноогдох цэвэр усны нөөцөөрөө дэлхийн 145 орноос 22 дугаарт бичигдэж байна. Гэтэл манай улсад хамгийн хямд зүйл бол ус. Нэг литр усыг Улаанбаатарын орон сууцанд амьдарч байгаа иргэд 48 мөнгөөр, гэр хорооллын айл иргэд 1 төгрөгөөр худалдан авч хэрэглэж байхад хөдөө орон нутгийн иргэд 2-3 төгрөгөөр худалдан авч хэрэглэж байна. Харин Баян-Өлгий аймагт литр усыг 10 төгрөгөөр худалдаалдаг байна.
Бид одоогийн энэ хэрэглээгээрээ усыг замбараагүй хэрэглэвэл 2017 он гэхэд Нийслэлийн цэвэр усны нөөц дуусна. Харин шүршүүр орох хугацаагаа 3 минутаар багасгахад л сард 1084 л ус, жилд 13000 л ус хэмнэнэ гэдгийг санаарай.
Сэтгэгдэл ( 4 )