380 гаруй иргэн хил нэвтэрчээ

OХУ-ын Ерөнхийлөгч В.В.Путины өнгөрөгч  сард манай улсад хийсэн ажлын айлчлалын үеэр Иргэд харилцан зорчих нөхцөлийн тухай Монгол Улсын Засгийн газар, ОХУ-ын Засгийн газар хоорондын хэлэлцээрийг үзэглэсэн.
Хэлэлцээрийн дагуу бүх төрлийн гадаад паспорттай иргэд 11 дүгээр сарын 14-ний өдрөөс 30 хоногийн дотор харилцан визгүй зорчих болсон. Энэ нь Монголд үйлдвэрлэсэн бараа бүтээгдэхүүний зах зээл нэмэгдэх, аялал жуулчлал эрчимжих, худалдаа үйлчилгээ эрхлэгчдийн ашиг орлого өсөх өргөн боломжийг нээж өгөх юм.  Хэлэлцээр хэрэгжиж эхэлсэн өдөр буюу 11 дүгээр сарын 14-ний 13 цагийн байдлаар Монгол Улсын 687 иргэн, ОХУ-ын 380 гаруй иргэн Монгол Улсын хилийн орох, гарах чиглэлд улсын хил нэвтэрсэн байна.

А.Алтаа