Өвөлжилтийн бэлтгэл ажил 90 хувьтай байна

Энэ жил улсын хэмжээнд 142.5 мянган малчин өрхөд 50 шахам сая толгой мал өвөлжүүлэх юм. Өвөлжилтйн бэлтгэл ажлыг хангаад байгааг ҮХАА-н сайдын үүрэг гүйцэтгэгч Ш.Түвдэндорж Засгийн газрын гишүүдэд танилцууллаа. Бэлчээрийн даацын судалгаагаар нийт нутгийн 76 хувьд бэлчээр хүрэлцээтэй, үлдсэн нутгийн малчид өөр аймагт отор нүүдэл хийхээр зохион байгуулсан байна.
            Бэлчээр усны хүрэлцээ, хадлан тэжээл татан авалт, отор нүүдлийн зохион байгуулалт, малын тарга хүчний үзлэг зэрэг үндсэн үзүүлэлтүүдээр дүгнэхэд өвөлжилтийн бэлтгэл 90 хувьтай хангагдсан аж.