“Apple”-ийн нууцыг задруулсан менежер хорих ял авлаа

Автор | Zindaa.mn
2014 оны 12 сарын 11

"Apple" компанийн глобаль нийлүүлэлт хариуцаж байсан менежер Пол Шайн Дивайныг компанийн нууцад хамаарах мэдээллийг нээсний төлөө нэг жил хорих болон 4.5 сая ам.доллараар торгох ялаар шийтгэсэн байна. Дивайн нь албан тушаалаа ашиглан "Apple"-ийн нууц мэдээллийг Азийн ханган нийлүүлэгчдэд зарж олон сая долларын ашиг олжээ. Азийн нийлүүлэгчид Дивайнаас авсан мэдээллийг ашиглан илүү ашигтай гэрээг тус компанитай байгуулдаг байсан нь тогтоогдсон юм.

Дивайн 2005-2010 онуудад тус компанийн глобал нийлүүлэлт хариуцсан менежерийн алба хашиж байсан бөгөөд нууц мэдээлэл тус бүрийг 500 мянган ам.доллараар худалддаг байсан аж. 2011 онд луйвар хийсэн, хуйвалдсан, мөнгө угаасан хэрэгт өөрийгөө буруутай гэж хүлээсэн байна.

Анхандаа түүнд 20 жил хүртэл хорих ял оноохоор байсан ч мөрдөн байцаагчидтай идэвхтэй хамтран ажилласан, нууц мэдээлэл тараах сүлжээнд оролцсон бусад хүмүүсийг илчлэхэд тусласан тул ийм хөнгөн ял авсан гэлээ.

Б.Ариунцэцэг

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
өндөр болгох нууц(112.72.11.67) 2014 оны 12 сарын 12

15-35 насныханд зориулсан ӨНДӨР БОЛГОХ НУУЦ номыг ИНТЕРНОМ, МИР, МАЖЕСТИК, АЗ ХУР, АЛТАНТӨГРӨГ, ГОЛДЭН БҮҮК номын дэлгүүрээс худалдан аваарай. Үнэ: 22 000₮

0  |  0
Top