МҮОНРТ-ийн байрыг цагдаагийн хамгаалалтад орууллаа

Улсын онцгой объектуудыг цагдаагийн хамгаалалтанд байлгадаг. Тэгвэл өчигдөрийн Засгийн газрын хуралдаанаар “Цагдаагийн байгууллагын хамгаалалтад авах онц чухал объектод нэмэлт өөрчлөлт оруулсан байна. Ингэхдээ МҮОНРТ, Радиогийн төв байр, радио телевизийн эфирийн студи, Хонхор дахь дамжуулах байгууламжийн радио, телевизийн техникийн төв зэргийг нэмж оруулжээ. Дээрх газрууд Цагдаагийн байгууллагын хамгаалалтад байдаг байсан боловч 2014 оны Засгийн газрын шийдвэрээр хассан байсныг ийнхүү эргүүлэн хамгаалалтанд авах шийдвэрийг гаргажээ.

Цагдаагийн төсөвт хамгаалалтад байх объект:

1. Гадаадын дипломат төлөөлөгчийн газар;

2. НҮБ-ынсуурин төлөөлөгчийн газар;

3. Үнэт цаасны төлбөр тооцоо, төвлөрсөн хадгаламжийн төв;

4. Улсын бүртгэлийн ерөнхий газрын төв болон үйлчилгээний байрууд, иргэний цахим үнэмлэхийн үйлдвэр;

5. "Изотоп" төв;

6. Улаанбаатар, Чойбалсан,Дархан, Эрдэнэт, Ховд, Даланзадгад хотын  ус  хангамжийн эх үүсвэрийн барилга байгууламж;

7. "Дулааны III цахилгаан станц", "Дулааны IV цахилгаан станц" төрийн өмчит хувьцаат компаниуд;

8. Дөргөний усан цахилгаан станц;

9. Нийгмийн эрүүл мэндийн үндэсний төвийн төв лаборатори;

10. Халдварт өвчин судлалын үндэсний төвийн лаборатори;

11. Улсын мал эмнэлэг, ариун цэврийн төв лаборатори;

12. Зоонозын өвчин судлапын үндэсний төв;

13. "Биокомбинат" төрийн өмчит үйлдвэрийн газар;

14. Стандартчилал, хэмжил зүйн газрын төв байр.

Цагдаагийн гэрээт хамгаалалтад байх объект:

1. Уулын баяжуулах Эрдэнэт үйлдвэр, дарь, дэлбэрэх бодисын үйлдвэр, тэсэрч дэлбэрэх бодисын агуулах;

2. “Алтанбулаг" худалдааны чөлөөт бүс, “Цагааннуур" худалдааны чөлөөт бүс.

Цагдаагийн гэрээт түр хамгаалалтад байх объект:

1. Нийслэлийн Засаг даргын Тамгын газар (нийслэлийн замын цагдаагийн хөдөлгөөн зохицуулах нэгж);

2. Улаанбаатар төмөр замын хувь нийлүүлсэн нийгэмлэг