Сураг алдарсан О.Цэнгэл жүжигчин Л.Баттулгыг “Хамтран амьдрагч”-аараа сонгожээ

Оюутан байхдаа л “Сайн уу, амьдрал минь”, “Боолын гэрээ”, “Гоёлын даашинз” зэрэг нэлээд хэдэн кинонд өөр хоорондоо эрс ялгаатай дүрүүдийг чадварлаг жүжигчин О.Цэнгэл сэтгүүлч залуутай гэр бүлийн амьдрал зохион сураг алдарсан. Ийнхүү хэдэн жил “сураг алдарсан” түүнийг үгүйлсэн үзэгчид ч цөөнгүй гэнэ. Гэтэл сэтгүүлч мэргэжилтэй ч жүжигчний ховор авьяастай бүсгүйн тухай саяхнаас нэгэн дуулиан дэгдэж эхэлжээ.

Тодруулбал, оюутан цагийнхаа хайрыг заяаны ханиараа сонгосон тэрбээр саяхнаас өөр хамтран амьдрагчтай болсон сурагтай. 

 Мэдээж дуртай ажлаас нь хүртэл урвуулж чадсан Б.Тэнгисээс нь хэн түүнийг салгав гэж олон хүн сонирхож байгаа нь лавтай. Тэгвэл түүний хамтран амьдрагчаар "Сохор болзоо" богино хэмжээний киногоор нь хүмүүсийн таних болсон жүжигчин Л.Баттулга сонгогдсон сурагтай.

  Гэхдээ энэ бол бодит амьдрал биш. Жүжигчин бүсгүй ирэх хоёрдугаар сард нээлтээ хийх “Хамтран амьдрагч” киногоор урлагтаа эргэн ирж байгаа юм байна. Д.Хүрэлхүүгийн продюсорлосон энэхүү “Хамтран амьдрагч” кино нь зохиолч Х.Болор-Эрдэнийн өөрийнхөө амьдралаас сэдэвлэн бичсэн тун ч сонирхолтой кино аж. Түүнийг ийнхүү кино урлагтаа эргэн ирж байгааг сонссон үзэгчид түүнийг дэлгэцнээ ямархан өнгө төрхтэйгөөр гарч ирэхийг харахаар шинэ киног нь тэсэн ядан хүлээж байгаа сурагтай.