Найман компанид мах экспортлох эрх олгожээ

2015 оны эхний хагас жилд гадаадын улс орнуудад мах экспортлох болон гаднаас мах импортоор оруулж ирэх эрхийг Хүнс, хөдөө аж ахуйн яамны Төрийн нарийн бичгийн даргын тушаалаар олгосон байна. Гадаадын улс орнуудад монгол малын махыг экспортлох эрхийг нийт найман аж ахуйн нэгжид олгосон бол импортын зөвшөөрөлтэй гурван аж ахуй нэг байгаа аж.

Экспортын эрх бүхий аж ахуйн нэгж:

-Баатарууд тэнгэр ХХК /1256 тонн үхрийн мах, 613 тонн адууны мах/

-Махимпекс  ХХК  /160 тонн адууны мах/

-Махэкспорт ХХК  /242 тонн адууны мах/

-Эй Эн Ди Эм /220 тонн үхрийн  мах, 500 тонн адууны мах/

-Мон тува ХХК  /100 тонн үхрийн мах, 200 тонн адууны мах, 100 тонн ямааны мах/

-Бумномин ХХК /200 тонн адууны мах/

-Соотон ХХК /100 тонн үхрийн мах, 240 тонн адууны мах/

-ЭДГС ХХК /120 тонн адууны мах/    Энэ жилийн эхний зургаан сард манай улс  нийтдээ 4051 тонн мах экспортлохоос 1676 тонн үхрийн мах, 2275 тонн адууны мах, 100 тонн ямааны мах гадаадын улс орнууд руу гаргах ажээ.

Харин махны импортын зөвшөөрлийг Баатарууд тэнгэр, Гүрмэ, Ургамал од ХХК-уудад өгсөн бөгөөд дан үхрийн мах импортлохоор болсон байна.