Хууль зүйн сайд асан Ц.Мөнх-Оргилын хил нэвтрэх эрхийг хаажээ

УИХ-ын гишүүн, Хууль зүйн сайд асан Ц.Мөнх-Оргилыг Монгол Улсын хилээр нэвтэрч, гадагшаа зорчихыг хоригложээ. Чухам яагаад хил нэвтрэхийг хориглосон тухай албан мэдээлэл одоогоор алга байна. Гэхдээ түүнийг авлига, уул уурхайн асуудлаар Авлигатай тэмцэх газар шалгаж байгаа гэх албан бус мэдээлэл байгаа юм. 

Энэ талаар Иргэний харьяалал, шилжилт хөдөлгөөний ерөнхий газраас тодруулахад “Манайд прокурорын газраас ирсэн  албан бичгийн  дагуу хилээр нэвтрүүлэхгүй байх үүрэг хүлээдэг.  Харин яагаад нэвтрүүлэхгүй байгаа шалтгааныг мэдэхгүй” гэсэн хариулт өгөөд байна.

М.Анар