Хоёр бөхийн цолыг хураах зарлиг гаргажээ

Их Монгол улс байгуулагдсаны 808, Ардын хувьсгалын 93 жилийн ойн үндэсний их баяр наадмын шөвгийн 16 бөх допингийн шинжилгээ өгснөөс хоёр бөхөөс допингийн төрлийн бодис илэрсэн талаар МҮБХ-оос зарласан билээ. Тэгвэл допинг хэрэглэсэн Б.Суманчулуун болон Б.Адьяабат нарын тав давсан давааг хүчингүй болгох тогтоолыг Монгол Улсын Ерөнхийлөгчид хүргүүлээд байсан юм. Тиймээс Монгол Улсын Ерөнхийлөгч сэргээш хэрэглэсэн нь итгэмжлэгдсэн лабораториор тогтоогдсон тул хоёр бөхийн улсын начин цолыг хураах зарлигийг энэ сарын 18-ний өдөр гаргасан байна.