Ой хээрийн түймрээс сэргийлэх даалгавар өглөө

Улсын Онцгой комиссын дарга, Шадар сайд У.Хүрэлсүх “2015 онд ой хээрийн түймрээс урьдчилсан сэргийлэх, ой хээрийн түймэртэй тэмцэх зарим арга хэмжээний тухай” албан даалгавар гаргажээ.
Өнгөрсөн онд 18 аймгийн 101 суманд 181 ой хээрийн түймэр гарч, түймрийн улмаас 12 хүн түлэгдэж, гурван хүн амь насаа алджээ.

Энэ жилийн хувьд хуурайшилт ихтэй байгаагаас шалтгаалж он гарснаас хойш зургаан ой хээрийн түймэр гарсан нь олон жилийн дунджаас өндөр байна. Тиймээс төрийн байгууллагууд болон иргэд ой хээрийн түймрээс сэргийлэх асуудалд онцгой анхаарч ажиллахыг санууллаа. Ой хээрийн түймрийн 80 орчим хувь нь иргэдийн анхаарал, болгоомжгүй үйлдлээс болдог гэсэн дүгнэлтийг ОБЕГ гарсажээ. Тухайлбал үнс нурмаа дутуу унтраасан, тамхины ишээ ил хаясан,  бүрэн бус техниктэй зорчсон,  ил гал түлсэнээс болж түймэр гарч байна.

Гуравдугаар сард хуурайшилт ихтэй, ой хээрийн түймэр гарах магалдлал өндөр байна гэж Цаг, уур орчны шинжилгээний албанаас мэдээллэсэн. Иймд хаврын сард иргэд ой хээрийн түймэр гаргахгүй байхад онцгой анхаарч, урьдчилан сэргийлэхийг санууллаа.