Монголчуудын санаачилгаар олон улсын эмэгтэйчүүдийн форум зохион байгуулна
Индонез улсад энэ сарын 24-нд болох Олон Улсын Эмэгтэйчүүдийн Форумын бэлтгэл ажил эхэлжээ. Тус уулзалтанд Монгол Улсын Их Хурлын 5 эмэгтэй гишүүн, Индонезийн төлөөлөгчдийн Танхимын 10 эмэгтэй гишүүд, мөн Индонезид суугаа гадаадын дипломат төлөөлөгчдийн газруудын тэргүүн 17 эмэгтэй элчин сайд, Индонезийн засгийн газрын кабинетын эмэгтэй сайд нийт 50 гаруй өндөр дээд хэмжээний төлөөлөгчид оролцох юм байна.
Уулзалтаар “Ардчилалын үйл явдалд хууль тогтоох байгууллага дахь эмэгтэйчүүдийн үүрэг”, “Ардчилал ба Олон улсын ойлголцолд эмэгтэйчүүдийн үүрэг”, “Ардчилал ба ухаалаг төрд эмэгтэйчүүдийн үүрэг” зэрэг сэдвээр ярилцана.
Монгол Улсаас Бүгд Найрамдах Индонез улсад суугаа Онц бөгөөд Бүрэн эрхт Элчин сайд Ш.Батцэцэгийн санаачилгаар зохион байгуулах энэхүү өндөр дээд хэмжээний уулзалтыг цаашид жил бүр уламжлал болгон зохион байгуулах болжээ.
Холбоотой мэдээ
Сэтгэгдэл ( 0 )