362 кг жинтэй аварга загас барьжээ

Тайландын загасчид цэнгэг усны хамгийн том байж болох аварга загасыг барьсан байна. Эрдэмтдийн мэдээлснээр, Мэклонг голд загасчилж явсан иргэд мөгөөрст загасны бүлэгт хамаарах асар том аварга загасыг барьсан ажээ. “Энэ том загас уртаараа 14 фут буюу 4.2 метр, 8 фут буюу 2.4 метр бүдүүн бөгөөд 800 фунт буюу 362 кг орчим жинтэй байсан” хэмээн судлаач Жефф Корвин хэлсэн байна. Аварга загасыг найман хүн арай чүү татаж голоос гаргасан гэж мэдээлжээ. Корвины өгүүлснээр, түүнийг бэртээж гэмтээхээс сэргийлэн эрдэмтэд жинг нь үзэхгүй байхаар шийдсэн бөгөөд хэсэг хугацаанд судалсны эцэст усанд нь буцаан тавих юм байна.