Хар бар өдөр

Аргын тооллын гуравдугаар сарын 27. Сугар гараг. Билгийн  тооллын 8. Хэрцгий охин одтой, хар бар өдөр. Өдрийн наран 6 цаг 51 минутад 19 цаг 8 минутад жаргана. Тухайн өдөр морь нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, амьлуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, гэр байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохилтой. Балжиннямтай өдөр. Үс шинээр үргээлгэх буюу засуулбал нас уртадна.