Даваа гарагийн өрнө дорнын зурхай

Автор | Zindaa.mn
2015 оны 03 сарын 31

Өнөөдөр аргын тооллын 2015 оны гуравдугаар сарын 31. Мягмар гараг. Билгийн тооллын XVII  жарны "Галзууруулагч" хэмээгч модон хонин жилийн хаврын дунд шарагчин туулай сарын 11. Ангараг гараг. Их морь одтой, 4 ногоон мэнгэтэй улаан Морь өдөр. Өдрийн барилдлага Рашаан. Шүтэн барилдлага Өтлөх үхэхүй. Өдрийн наран6 цаг 43 минутад мандан, 19 цаг 17 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, лусыг тахих, тангарагаа буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Тэрсүүд өдөр. Үс шинээр үргээлгэх буюу засуулбал эрхтэн хурц болно хэмээжээ.


* * *Өрнийн зурхай * * * 


Хонь (3/21-4/19)

Эмх цэгцтэй байх өдөр. Та өнөөдөр шинэ байдалд орж болно. Энэ өдрийг төлөвлөхгүй тайвнаар эхлэх хэрэгтэй. Учир нь төлөвлөгөө биелэхгүй байж магад. Ирэх мэдээлэл, үйл явдлуудын дунд зөв чиглэлээ олоход хэцүү байна. Бодол санаа мэдрэмж, үйл хөдлөл нь системгүй замбараагүй гарч ирэх болно. Мартамхай ба назгай байдал илэрч болно.


Үхэр (4/20-5/20)

Нам гүм орчинд ганцаараа бодол болон байхыг та хүсэж байж магад. Хойш тавьж удаасан ажлаа бодох таатай цаг үеийг ашиглаарай. Хүсэж байгаа болон хэрэгтэй хүмүүстэй яриа тохиролцоонд хүрэх хэрэгтэй. Уран бүтээлч хүмүүсийн онгод орох болно.


Хамтатгах (5/21-6/21)

Өнөөдөр ямар ч ажилд анхаарал, болгоомжтой ханд. Нөхцөл байдал таны хүлээж байснаас өөрөөр эргэж болзошгүй. Холбоо харилцаагаа сэргээж, дэмий хоосон найдвар тээхээс сэргийл. Ажлын түншүүд урам хугалж магадгүй. Арилжаа наймаа хийх хэрэггүй, та өөрийн боломжоо зохих ёсоор үнэлэхгүй, бас зөв шийдвэр гаргаж чадахгүй байх. Таны төлөвлөгөө биелэхгүй байх магадлалтай. Сайн төлөвлөгөө судалгааны ачаар таны санасан бүхэн сэтгэлчлэн бүтэх магадлал тун өндөр байна.


 Мэлхий  (6/22-7/22)   

Өнөөдөр таны амьдралын эрч хүч ихсэж, өөрийн хүчиндээ итгэх зүрх зориг орно. Танд тохиох олон сайхан жаргалтай мөчүүдэд самуурч хөл бүү алдаарай. Таны найдлага тавьж байгаа төлөвлөгөөг гүйцэлдүүлэхэд нөлөө бүхий хүмүүс болон тэнгэрийн хүч дэмжих болно.


Арслан (7/23-8/22)   

Идэвхтэй өдөр. Санхүүгийн хүндрэл үүсгэхгүйн тулд ихээхэн хүч чармайлт хэрэгтэй болно. Шууд дайран өнгөрөх хэрэггүй. Тавьсан зорилгодоо хүрэхийн тулд ухаалаг байх ба биеэ барих явдал тэргүүн зэрэгт, бодит орлогын тухай бодох ёстойгоос биш урт хугацаанд биелэх төлөвлөгөө биш юм. Сэтгэл санааны хэт мэдрэмтгий байдал нь тогтворгүй байдал ба уур бухимдлын шалтгаан болно. Хувийн харилцаанд санаанд оромгүй шунал ба эрсдэл бүхий үйлдэл гаргахаас зайлсхий.


Охин (8/23-9/22)    

Таагүй өдөр. Ямар ч тохиолдолд биеэ барих нь илүү чухал. Учир нь нэр хүнд, эрх тушаалд дурлах хүчтэй хүсэл сонирхол нь таныг урхинд оруулах бололтой. Ажил хэрэг тань танаас дээд зэргийн ачааллыг шаардаж байгаа тул өөрөө өөрийгөө барьж эзэмдэх байдлаа хадгалж ажиллаарай. Эрүүл мэнддээ анхаарлаа хандуул. Архаг хууч өвчин хүндэрч мэднэ. Зүүд тань зөнтэй байх болно.


Жинлүүр (9/23-10/22)   

Идэвхтэй ачаалал ихтэй өдөр. Өнөөдрийн болж буй үйл явдал бүхэлдээ таныг зальгах болно. Та бүгдэд нь хэрэгтэй байна. Магадгүй таны асуудлаа хэрхэн шийдвэрлэдэг тань найз нөхөд болон хамаатан садангийнхаа анхаарлыг татна. Та хэнд хэрэгтэй болоод хэн таныг төлөө байдаг талаар бодоод нэг үзээрэй. Өөртөө болон эрүүл мэнддээ анхаарал тавь, гэхдээ удаан хугацаанд ганцаараа байсны хэрэггүй.


Хилэнц (10/23-11/21)   

Хамаатан садан найз нөхдийн асуудалд оролцох өдөр. Өөртөө хэт их ачааллаас болоод хямрах магадлалтай мөн хэн нэгэнд санаа тавих гэсний хэрэггүй. Дөнгөж хүлээж авсан ажлаа бүү хая. Хамгийн гол нь сэтгэл санаагаа амгалан байлга уйлж, уурлаж мөн гомдох хэрэггүй. Өлсөх тийм ч таатай биш учир бие эрхтэн сулрах болно. Тиймээс амт, шимттэй хоолоор ходоодоо баясгаарай.


Нум (11/22-12/21)    

Хянуур байх өдөр. Өнөөдөр та бүх чухал ажлаа хойш тавьж, биеийн хучний ажил хийхгүй байх хэрэгтэй. Амиа бодож, бусдыг үзэл бодлыг хүндэтгэхгүй байх нь хамтран ажиллагсадын дургүйцлийг хүргэж, үл ойлголцол үүсгэнэ. Ажил дээрээ алдаа гаргах магадлалтай. Хэрэв ямар нэгэн алдаа гарвал таныг гайхширалд хүргэнэ. Бодит байдлыг эрүүл ухаанаар үнэлж, аливаад хүлээцтэй хандаарай.


Матар (12/22-1/19)   

Өөрийгөө хуурах мөн сэтгэл санаа хэлбэлзэлтэй өдөр байна. Санхүүгийн хүрээнд азгүйдэл, томоохон алдаа гаргана. Урьд өмнө нь байгаагүйгээр анхаарал болгоомжтой бай. Энэ өдөр туссан өвчин тань хүнд удаан хугацаанд үргэлжлэх тул биеэ анхаараарай. Ялангуяа ясны үйл ажиллагаанд анхаарал илүү хандуул мөн шүд буйландаа анхаарахыг хичээгээрэй.

 


Хумх (1/20-2/18)   

Хуурамч өдөр. Өнөөдөр таны хувьд худал хуурмаг, биелэшгүй амлалт авчрах сөрөг өдөр. Тааламжгүй нөхцөлд орох, төлөвлөөгүй байдал үүсч, бусадтай харилцах харьцаанд тань сөрөг байдал бий болох, хоёрдмол байдал үүснэ. Нөхцөл байдал өнөөдөр таныг өөрийн зарчим болон үзэл бодлоо хамгаалахад хүргэнэ. Гэр бүлийн асуудалд оролцохоос зайлсхийж, хэрүүл маргаанаас хол яваарай.


Загас (2/19-3/20)

Энэ өдөр удирдлагатайгаа харилцах, улс төр, нийгмийн харилцаанд амжилт бүтээлээр дүүрэн байна. Нөхцөл байдлыг чиглүүлэх мөн материаллаг байдлыг дээшлүүлэх боломжийг өгөнгөө зорилгодоо хүрэх эсвэл ажлын таатай нөхцөлийг зөвшөөрүүлэхэд таатай байна. Ойр дотны хүмүүстэйгээ цагийг өнгөрөөж, тэднийг дэмжиж, уйтгар гуниг баяр баясалаас нь хуваалц.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top