Өнгөрсөн жилийн наадмаар Ховд аймгийн Дуут суманд болсон хурдан морины уралдааны үеэр 14 настай хүү мориноос унаж, толгойдоо хүнд бэртэл авсан билээ. Эрүүл мэндээрээ хохирсон хүүд өдийг хүртэл эмчилгээний мөнгө төгрөг олгогдоогүй байсан. Харин “Монгол даатгал” компанийн Ховд аймаг дахь салбараас өнгөрсөн долоо хоногийн сүүлээр хүүд 2,5 сая төгрөгийн даатгалийн мөнгө олгожээ. Хүү мориноос унасныхаа дараа Улаанбаатарт ирж эмчилгээ хийлгэсэн ч бие нь төдийлөн сайжраагүй нутаг буцсан байна. Одоо хүү орон нутагтаа байгаа бөгөөд хичээлдээ явж байгаа бөгөөд толгой нь байнга өвддөг, хааяа ухаан алдаж унадаг болсон учраас хоёр төрлийн эм тогтмол уудаг болжээ. Аав ээж нь хууль хяналтын байгууллагаар явж, морь унуулсан уяачаас эмчилгээний зардал нэхэмжилсэн ч шүүхийн шийдвэр нөгөө талд гарсан гэх мэдээлэл байгаа юм.
Сэтгэгдэл ( 1 )
Daatgal daatguulsan hund l zohih juramiin daguu mungu olgono shte... Hewleliinhen ta nar yah gj hudlaa medeelel tawij bdg yum be? Daatgalgui hund mungu olgodog yumu?