“Мөрөөдийн баг”-ийн сюрприз юу байх бол?

Арго багш, Сарандаваа, судлаач Бат-Отгон, Чингис хааны академийн тэргүүн П.Нямдаваа, “Орифлэйм”-ийн Оюунгэрэл гээд олноос онцгой өөр өөрийн гэсэн содон имижтэй эрхмүүд тайзны бүтээлд мөнхрөх нь байна шүү. Дээр нь бас нэгэн сонирхолтой гишүүн нэмэгдсэн нь МУГЖ С.Жавхлан. Энэ эрхмүүдийг нөхөрсөг элэглэсэн шинэ тоглолтынхоо рекламаар “Мөрөөдлийн театр”-ынхан олон нийтийн анхаарлыг татсаар. Харсан хүн бүр адилхан болсныг нь гайхаж, тоглолтын нээлтийг нь тэсэн ядан хүлээж байна лээ.

Бас нэгэн шинэ мэдээ дуулгахад нялх хүүхдээ хараад гэртээ байсан жүжигчин О.Дөлгөөн ажилдаа орж, түр чөлөөтэй байсан Батушка нь эргэн ирж шинэ бүрэлдэхүүнээрээ энэ тоглолтод оролцож байна. Одоогийн байдлаар тоглолтын нээлтийн өдрийн тасалбарууд аль хэдийн дуусчээ. “Мөрөөдлийн баг дэлхийг аварна” хошин шоу тоглолтын сюрприз юу байх бол?