Монголын Карлсон

Автор | Zindaa.mn
2015 оны 04 сарын 15

Дээвэр дээр суудаг Карлсон
Дэгжин маягийн Карлсон...
 гэдэг дуу шиг хаалгаар бус дээврээр “Монгол шуудан” руу ордог нэгэн хүн сүүлийн үед олны анхаарлын төвд орсон нь ОБЕГ-ын дарга байсан Т.Дуламдорж.

ТӨХ-ныхонтой сүрийг үзүүлж, даргын суудалд суухаар хор найруулахдаа тэрээр “Монгол шуудан” ТӨХК-ийн хаалгаар бус дээврээр орох гээд шуудандчдад хөөгдөөд буцжээ. Онцгойд байхдаа сурсан онцгой авъяасаа үзүүлж гал сөнөөгчийн дүрээр дээврийн хонгилоор “Монгол шуудан” руу орсон түүнийг төлөвлөгөө номер нэг ийнхүү бүтэлгүйтжээ.

“Монгол шуудан” ТӨХК-ийн гүйцэтгэх захирлаар хууль бусаар томилогдоод буй түүний ард Засгийн газрын Хэрэг эрхлэх газрын дарга С.Баярцогт, Төрийн өмчийн хорооны даргын үүрэг гүйцэтгэгч Ш.Солонго, УИХ-ын гишүүн Д.Тэрбишдагва, Мэдээллийн технологи, шуудан, харилцаа холбооны газрын дарга Ц.Жадамбаа нар байгаа аж. Дээр нь өмнө нь “Монгол шуудан” ТӨХК-ийн дэд захирал Г.Оюунбат байгаа гэнэ. Харин эсрэг талд нь шууданчид, “Монгол шуудан” ТӨХК-ийн гүйцэтгэх захирал Ц.Батсайхан арай ядан эсэргүүцэн зогссон хүч тэнцвэргүй тулаан өрнөж байна.

Ажилчдынхаа цалинг жилийн дотор гурван удаа нэмж, татаасаар үйл ажиллагаа явуулдаг байсан шуудангаа 800 сая төгрөгийн ашигтай ажлуулж байсан “Монгол шуудан”-г бужигнуулах хорыг хамгийн анх найруулсан хүн нь Г.Оюунбат аж.

Тэрээр ажлаа хийж чаддаггүй ч гүйцэтгэх захирлаа нутгийн ах С.Баярцогтод байнгын муулж, шууданг самарч байгаа нөхөр гэж итгүүлж чадсанаар халаа, сэлгээг эхлүүлж чадсан бөгөөд өөрөө гүйцэтгэх захирлын суудалд залрах гэсэн ч сачий нь дутжээ. Чоно борооноор гэгчээр энэ бужигнааныг ашиглаад Д.Тэрбишдагва өөрийн хүн болох Т.Дуламдоржоо тавихаар зүтгүүлж, санасандаа ч хүрч. Харин аврагчдын ажлыг унагасан түүнд шууданчид шуудангаа галдуулахыг хүссэнгүй эсэргүүцээд байгаа юм. Ийнхүү хүч тэнцвэргүй тулаанд эрх мэдэлтнүүдийн “Дарга” баг ялах уу эсвэл үнэнээр явсан “Өртөө шууданчид”-ынхаар өндөрлөх үү гэсэн сонирхолтой асуулт сошиал ертөнцөөр тэнэж, хүч “тэнцвэргүй тулаан”-ыг харуулсан бүтээл хүртэл хийгээд авчээ. Гагнасан гинжийг хэнээр таслуулах вэ, та минь ээ?

Л.ХАЛИУ

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Би (27.123.214.118) 2015 оны 04 сарын 15

Энэ нөгөө блок шампунь рекламдаад гүйгээд байдаг Оюун бат уу? Хурим найр хөтлөөд л явна биз яасан их санаатай нөхөр вэ? Дээд сургууль ч төгсөөгүй хуурамч дипломтой гар шүү дээ

0  |  0
Эрдэнэ(122.201.21.69) 2015 оны 04 сарын 15

засгийн газар,монголоо гэсэн сэтгэлтэй хүн байдаг юм уу? Нөгөө огцорох гээд байсан Баярцогт маань цогиж л явна хөөрхий.Өргүй ашигтай байгаа бол заавал солихын хэрэг юу байдаг юм бол.Ажилчдыг дэмжиж байна.Амжилт

0  |  0
Top