Баасан гаригийн зурхай

Өнөөдөр аргын тооллын 2015 оны Дөрөвдүгээр сарын 17. Баасан гараг. Билгийн тооллын XVII  жарны "Галзууруулагч" хэмээгч модон хонин жилийн хаврын дунд шарагчин туулай сарын 28. Сугар гараг. Могойг хүлэгч одтой, 5 шар мэнгэтэй харагчин Гахай өдөр. Өдрийн барилдлага Идэр. Шүтэн барилдлага Нэр-өнгө. Өдрийн наран 6 цаг 13 минутад мандан, 19 цаг 47 минутад жаргана. Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, нялхасын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

* * *Өрнийн зурхай * * * 

Хонь (3/21-4/19)

Санхүүгийн байдал тогтворгүй байх өдөр. Мэргэжлийн үйл ажиллагааны хүрээнд санаанд багтамгүй зүйлс эсвэл санхүүгийн байдал туйлийн тогтворгүй. Таны өөрийн төсөөлөл нь ажлын бодит байдалтай нийцэхгүй байна. Магадгүй ямар ч ажил нь таны бодсоноос чинь их цаг хүч шаардахаас гадна үр дүн нь илүү их эргэлзээтэй гарч мэднэ. Энэ тохиолдолд зорилгодоо хүрэх таны зөрүүд байдал таны эсрэг болж ирнэ. Ойр дотны хүмүүсийн дунд амарч, дуртай хоббигоор хичээллэх нь мэдрэлийн ядаргааг арилгахад тустай.

Үхэр (4/20-5/20)

Хувь заяаны гэнэтийн эргэлт ирэхийг одод анхааруулж байна. Эрсдэлтэй, сайтар шалгаж нягтлаагүй төслийн ажлыг эхлүүлэх болон худалдан авалт хийх, худалдаа хийх шаардлагагүй. Гэвч бизнесын хамтрагч нараас санал болгосон шинэ төсөл санаануудыг анхаарлын гадна орхиж болохгүй. Сүүлийн хэдэн cap нойр хоолгүй зүтгэсний үр дүнд мөнгө санхүүгийн хувьд ахиц дэвшил гарах бололтой.

Хамтатгах (5/21-6/21)

Хувийн болон гэр бүлийн харилцаанд хүндрэлтэй өдөр. Хувь заяа таны ноён нурууг үнэлэх ээлжит шалгуураа илгээнэ. Санаа муут хүмүүсийн нөлөөнд автах эрсдэлтэй. Тооцож байгаагүй мөнгө санхүүгийн зардал гарах бололтой. Хэдий ийм байдалд байх ч ойр дотны болон хайртай хүмүүстээ тавих анхаарал халамжаа бүү мартаарай.

 Мэлхий  (6/22-7/22)   

Эрс шийдэмгий алхамтай холбоотой сэтгэл зовнил өдрийн турш дагах болно. Энэхүү алхмыг ойр дотныхон тань дэмжихгүй байх тул маргаантай байдал тулгарч мэднэ. Үдээс хойш хэрүүл маргаанаас зугатах боломж танд олдохгүй. Хайр, тэвчээр ертөнцийг эргүүлж, гэр бүлд энх тайвныг бий болгоно гэдгийг санагтун.

Арслан (7/23-8/22)   

Сэтгэл санааны тэнцвэртэй өдөр. Өнөөдөр бүхнээс илүүтэй хувийн ажил төрлөө амжуулах, эрүүл мэндийн байдлаа дээшлүүлэх нь чухал байна. Ахуй амьдрал өөрчлөгдөх бололтой. Тухайлбал засвар, тавилга худалдан авах, айл хөршийн хүний харилцаанд зөрчил үүсэх зэрэг. Ганц бие арслангын ордныхныг өөртэй нь яг адилхнаар сэтгэн боддог хүмүүстэй учрах сонирхолтой уулзалт хүлээж байна.

Охин (8/23-9/22)    

Толгой эргүүлэн уруу татах, худал хуурмаг амлах, хий дэмий горьдлого зэрэг сөрөг хандлагуудыг авчрах өдөр. Өглөөнөөс эхлэн таныг үл ойлголцол, маргаан зөрчилдөөн хүлээх болно. Хувь заяа таны хатуу чанга байдлыг шалгахаар ээлжит сорилтоо илгээнэ. Аливаа харилцаанд анхаарал бологоомжтой, биеэ барьж хандах хэрэгтэй. Таны хэр зэрэг биеэ барин, тунгаан бодож байгаагаас цаашдын болон эхлүүлж байгаа ажил хэрэг тань шалтгаалах болно.

Жинлүүр (9/23-10/22)   

Өөрийн байдалд анхаарлаа хандуулах хэрэгтэй. Хоолны дэглэм сахь. Эмийн ургамал түүхэд сайн эсвэл ардын эмчилгээний аргаар эмчлэхэд гайгүй өдөр. Мэргэжлийн үйл ажиллагааны хүрээнд зөн билигтээ итгэ. Уулзалт ба ажил хэргийн хэлэлцээр нь амжилттай болж ашиг авчирч болно. Гэвч тавьсан зорилгодоо хэтэрхий шаргуу байх хэрэггүй, учир нь үүгээрээ өөрийн бүх хичээл чармайлтыг үгүй болгож чадна. Эмэгтэйчүүд шинэ хүнтэй танилцаж магад. Өөрийн сэтгэл санааны илрэлээ хянах хэрэгтэй.

Хилэнц (10/23-11/21)   

Чадал тэнхээтэй хэн нэгний тусламжийг эрэх өдөр. Энэ цаг хугацаанд санхүүгийн гэрээ хэлэлцээр болон чухал асуудлыг хүлээн авахад таатай. Ихэнх хүмүүсд ажлаа амжилттай дуусгавар болгосон эсвэл гэнэтийн тусламж ирсэн нь урам зоригтой байна. Сайн сайхан сэтгэгдэл нийгмийн болон улс төрийн амьдралд тань гэнэтийн нөхцөлд гутрах байдалд оруулж болзошгүй учир хол байхыг хичээгээрэй.

Нум (11/22-12/21)    

Таныг томоохон хэмжээний өөрчлөлт, шинэчлэлтүүд хүлээж байна. Ашиг орлого ихтэй, амжилттай хэрэгжиж байсан төслөө улам өргөжүүлэн түүндээ шинэ түнш, ивээн тэтгэгчдийг татан оролцуулж чадна. Од гарагс таныг ивээлдээ авсан байгаа учраас авъяас чадвараа бүрэн дайчилж олдсон боломжийг алдахгүйг хичээгээрэй. Гэхдээ ажил хэргийн амжилт зөвхөн танаас шалтгаалах болохыг бүү мартаарай. Эцэст нь ажил амьдрал тань одоо л нэг тэгширч байгааг мэдрэх болно.

Матар (12/22-1/19)   

Аюултай өдөр. Гэр бүлд хүнд асуудлууд тулгарсан эсвэл мэргэжлийн ажилд тань асуудлууд тулгарна. Нэгэн хэвийн жигд амьдралаас залхаж мөн ядарчээ. Та нөхцөл байдлаа өөрчлөх хэрэгтэй, эс тэгвээс амьдралын эрч хүч хувь тавиланд таагүй зүйлс дуудах болно. Таны найдаж байсан зүйл биелэхгүй. Харин мөрөөдөл мөрөөдлөөрөө л үлдэнэ. Эр зориг гаргах, асар том төслийг хэрэгжүүлэхээр барьж авахыг эрмэлзсэнээр хамаг хэрэг таны эсрэг эргэж магадгүй. Энэ нь таны биеийн байдалд сөргөөр нөлөөлж болзошгүй.

Хумх (1/20-2/18)   

Мэргэжлийн ажилдаа их хучин чармайлт гаргаж, нэгэн хэвийн бус арга барилаар ажиллах хэрэг гарна. Ажлын байран дээр гэнэтийн хүндрэл үүсэх буюу нөхцөл байдал буруугаар эргэх магадлалтай. Үүнийг сэтгэлдээ хэт ойр хүлээж авах хэрэгтүй. Өнөөдөр та юу ч хийсэн хүссэн үр дүндээ хүрч чадахгүй. Ажил хэргийн хамааралгүй хүмүүс танд тусалж, дэмжинэ. Найз нөхөдтэйгээ муудалцахаас зайлсхий хэмээн зөвлөж байна.

Загас (2/19-3/20)

Тэргүүлэхэд тэмүүлэх төрөлхийн чанар ба зохион байгуулах сайхан чадвар нь таныг санаа нэгтнүүд ба холбоотнуудыг өөрийн сонирхолд удирдуулж барьж чадна. Үдээс хойш зарим нэг хүндрэлүүд гарч мэднэ. Байдлыг хяналтаас гаргаж болохгүй. Өнөөдөр уужим ба өгөөмөр зан гаргах хэрэгтэй.