Цэрэг татлага ням гарагт эхэлнэ

Цэргийн жинхэнэ албанд татагдах, гэрээт цэргийн албанд элсэх болон цэргийн дүйцүүлэн албанд орох иргэдийн цэрэг татлагын ажил энэ ням гаригт буюу тавдугаар сарын 3-7-ны өдрүүдэд болох гэж байна.

Үүнтэй холбоотойгоор аймгийн хэмжээнд нийт цэргийн насны залууст буюу 1997-1989 оны хооронд төрсөн 1200 гаруй иргэдэд цэргийн зарлан дуудах хуудсыг тараан өгсөн байна. Эдгээр иргэд тавдугаар сарын 3-наас эхлэн эрүүл мэндийн үзлэгт хамрагдаж тэнцсэн тохиолдолд цэргийн албанд татагдах юм.

18-25 настай эрэгтэйчүүдийг цэргийн жинхэнэ албанд цэргийн жинхэнэ албанд татах тухай зарлан дуудах хуудас авсан иргэнийг цэргийн жинхэнэ албанд татагдагч хэмээн үздэг бөгөөдцэргийн албанд татагчид нь тогтоосон өдөр цаг хугацаанд цэрэг татлагын байранд буюу товлосон газарт очих үүрэгтэйг Монгол улсын үндсэн хууль, Иргэний цэргийн үүргийн болон цэргийн албан хаагчийн эрхзүйн байдлын тухай хуулиар тогтоосон байдаг.

Түүнчлэн Монгол улсын иргэний цэргийн үүргийн болон цэргийн албан хаагчийн эрх зүйн байдлын тухай хуульд зааснаар хугацаат цэргийн алба нь байлдагч, түрүүчийн болон гэрээ цэргийн албанаас бүрдэх ба цэргийн дүйцүүлэх албыг иргэд биеэр хаах эсвэл мөнгөн төлбөрийн хэлбэрээр орлуулан хааж болдог. 

Мөн ажил олгогч болон бүх шатны боловсролын байгууллагууд цэргийн насны иргэдээ цэргийн жинхэнэ албанд татагмагц нь ажил, сургуулиас нь түр чөлөөлж цэрэг татлагын байранд ирүүлэх үүрэг хүлээдэг.