Эрдэнэт уулын баяжуулах үйлдвэр тоггүйн улмаас 1.1 тэрбумын хохирол амсчээ

Өнгөрөгч ням гарагт баруун гурван аймгаас бусад газар цахилгаан тасарч улс оронд нилээд хэмжээний хохирол учирсан байна. Урьдчилсан тооцоогоор нийт 2.2 тэрбум төгрөгийн хохирол учирсан бөгөөд цахилгаанаас үүдсэн хохиролд хамгийн их өртсөн газар бол Эрдэнэт уулын баяжуулах үйлдвэр аж. Тус үйлдвэр тоггүйн улмаас нийт 1.1 тэрбум төгрөгийн хохирол амссан байна. Одоогоор хохирлын хэмжээг бүрэн гаргаж амжаагүй байгаа бөгөөд учирсан хохирлыг нарийвчлан тогтоох үүднээс Эрчим хүчний яамнаас ажлын хэсэг гаргасан байна.