ШӨХТГ-аас СӨХ-ийг цэгцэлнэ гэж мэдэгдлээ
ШӨХТГ-т Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хуульд нэмэлт өөрчлөлт оруулах тухай хуулийн төслийн хэлэлцүүлэг боллоо. Энэхүү хэлэлцүүлэгт ШӨХТГ-ын дарга Т.Аюурсайхан тэргүүтэй тус газрын хэлтсийн дарга нар болон СӨХ-ны төлөөлөл, иргэд оролцсон юм.
“ШӨХТГ-т ирж буй нийт санал гомдлын 30 орчим хувь нь тус байгууллагын үйл ажиллагаатай холбоотой гомдол, хүсэлт эзэлдэг байна. Тиймээс орон сууцны тоо нэмэгдэж, СӨХ-дын эрх зүйн зохицуулалтын асуудалд доголдол гарч буйтай холбоотой хуулийн төсөлд нэмэлт өөрчлөлт оруулах шаардлага тулгарсан” гэж тус газрын дарга Т.Аюурсайхан онцолсон юм. Иргэдээс ирдэг гомдол саналын дийлэнх хувийг СӨХ-г байгуулахдаа оршин суугчдын саналыг авдаггүй. Тухайлбал, оршин суугчдаас хураасан төлбөр мөнгөний зарцуулалт тодорхой бус, байрны гаднах тохижилт, цэвэрлэгээ хангалтгүй, оршин суугчдын хувийн мэдээллийг зөвшөөрөлгүйгээр бусад байгууллагуудад өгдөг, СӨХ-тэй холбоотой хууль тогтоомжид төрийн болон захиргааны байгууллагуудын эрх үүрэг тодорхойгүй зэрэг гомдол эзэлдэг байна.
ШӨХТГ-ын зүгээс дээрх хууль бус, зохисгүй үйлдлүүдээс болж иргэдэд тулгарч байгаа энэ асуудлууд хууль эрх зүйн орчиндоо байна, эрх зүйн орчинд нь өөрчлөлт оруулахгүй бол иргэд хохирсоор байх болно гэж үзсэн байна. Иймээс хуульд өөрчлөлт оруулах хэрэгтэй гэж үзэж байгаа аж. Хуулинд өөрчлөлт орсноор СӨХ-ны удирдах зөвлөл, хяналтын зөвлөл, гүйцэтгэх нар хууль зөрчвөл албан тушаалаас чөлөөлөх, хариуцлага тооцох, СӨХ-д учирсан хохирлыг нөхөн төлүүлэх, орон сууцны байшингийн дундын өмчлөлийн эд хөрөнгийн засвар, хамгаалал, үйлчилгээтэй холбогдох зардлын хэмжээг хэрхэн тогтоох талаар нарийвчилсан зохицуулалт болон төрийн захиргааны төв байгууллага, дундын өмчлөлийн эд хөрөнгийн засвар, хамгаалал, үйлчилгээтэй холбогдох үйл ажиллагаанд мөрдөх журам, үйлчилгээний үнэ, тарифыг тогтоох аргачлалыг тус тус баталдаг байхаар зохицуулжээ. Мөн өнөөдрийн хэлэлцүүлгийн үеэр хэлэлцэгдсэн асуудал, дэмжигдсэн саналуудыг хуулийн төсөлд тусгахаар болжээ.
Холбоотой мэдээ
Сэтгэгдэл ( 4 )
Энэ Ан шинэчлэгч гэсэн нэрээр ШӨХТГ-ын дарга гэж амаа таглуулсан дуракт СӨХ-өөр хийх юм байхгүй юм байхдаа, харваас хар мангар л амьтан харагдаад байгаа юмдаа, бас ядахнаа тэр дагуулж ирсэн дуракууд нь өөрөөс нь дор гээд л бодчих
ЖДҮ эрхлэгчдын гол ажлын байр подваль гэтэл сөх нь 18 мк байрны түрээс 150,0 дээр нь цахилгаан дулаан цэвэр бохир энэ хэрэглээг төлж болноо харин сөхийн түрээс хэтэрлээ энэ тухай яривал арын орох хүн байна гээд дарамтална сөхийг цэгцлэх болсон зөв алхам
niitiin ezemshliin gazryg dur meden bar tsengeenii gazart olgood yavgan hunii zamgui shaham bolgood baidag heterhii ihiig orshin suugchdaas asuulgui hiig baina SUH
Sn juramlah yostoi gazar shu.yu ch hhgui tegsen murtuluu neg medehed unee joohon joohonoor nemeed bdg shude