Гадны дуучдыг наадмаар авчрах шийдвэрийг цуцалжээ

Шадар сайд У.Хүрэлсүх наадмаар гадаадын дуучид, урлагийн одуудыг авчирч тоглуулах шийдвэрийг цуцалсан талаар мэдэгдлээ. Эдийн засгийн хямралтай байгаа энэ үед ийм үрэлгэн байх нь буруу хэмээн иргэдээс гомдол ирсэн тул ийнхүү гадныхныг авчрахгүй байх шийдвэрийг гаргажээ. Шадар сайд наадмын бэлтгэл ажилтай танилцаж байгаа бөгөөд Төв цэнгэлдэх хүрээлэнгийн ажилтай танилцаад дараа нь Хүй долоон худагт очиж наадмын бэлтгэл ажил хэрхэн явагдаж байгаа талаар биечлэн танилцах аж.

Төв цэнгэлдэх хүрээлэнгийн дэвжээг хиймэл зүлгээр тохижуулах ажил өнгөрсөн дөрөвдүгээр сард эхэлж, саяхан дууссаад буй юм.