Николь Шерзингер зүрхээ дэвтээж явна

Хүнийг мөнгөнөөс илүү хайрлаж дурласан хүн л баяр баясгалантай болгодгийг Николь Шерзингер ойрын өдрүүдэ мэдэрч явна. 7 жилийн турш хайрлаж хамтын амьдарлаа зохионо хэмээн итгэж явсан залуу нь өнгөрсөн хоёрдугаар сард бүрмөсөн хаяж явснаас хойш сэтгэл санааны гүн хямралд ороод буй алдарт дуучин Николь Шерзингер төрсөн өдрөө тэмдэглэхээр Грект ирсэн бөгөөд одоо ч гэсэн тэнд наранд биеэ шарж, усанд орсон шиг амарч байна.

Никольд царай, бие хаа, мөнгө, нэр алдар гээд бүх зүйл байгаа ч нэг л биш байгааг папараццичид илрүүлжээ. Тэр 6 дугаар сарын 29-нд 37 нас хүрсэн бөгөөд өдгөө 23 настай Пайтим Касами хэмээх хөлбөмбөгчин залуутай үерхэж байна. Пайтим Касами нь албани гаралтай бөгөөд Швейцарийн хөлбөмбөгчин юм.

Тэрбээр Грекийн “Олимпиакос” клубт хагас хамгаалагчаар тоглодог ба ирээдүйтэй хөлбөмбөгчинд тооцогддог байна. Ямартай ч, Николь “Формула 1”-ийн “Мерседес” багийн нисгэгч Льюис Хамильтонд ханддаг байсан шиг хөлбөмбөгчин залууд хандахгүй байна. Ажлын шаардлагын улмаас дэлхийн энд тэнд очиж уралддаг Льюис дээр Николь дэлхийн хаанаас ч нисч очиж, уралдааныг нь үздэг байв. Харин хөлбөмбөгчин залуугаар зүгээр л зүрхээ дэвтээж байгаа бололтой сэтгэл гаргахгүй байна.   

Пайтим Касамийн хамт

Льюис Хамильтоны хамт