Гачууртын замыг Иргэдийн бүлгийн хөрөнгөөр засч эхэллээ

20 дугаар хороо буюу Гачууртын Шар хоолойн хөндий иргэдийн хамгийн их зорчдог хөдөлгөөн ихтэй замтай. Тиймээс хорооны иргэдийн санаачилгаар Гачууртын автобусны эцсийн буудлаас Шар хоолойн хөндий рүү нийт 3.8 км замыг сайжруулсан шороон зам болгох ажлыг 2015 оны 06 дугаар сарын 20-нд эхлүүлсэн байна.

Өчигдрийн байдлаар 1.4 км зам тавигдаад байгаа бөгөөд үлдсэн 2.4 км замын шороог түрэх, дагтаршуулах ажил хийгдэж байна хэмээн тус хорооны Засаг дарга Х.Цэдэнбал өгүүлсэн бол20 дугаар хорооны иргэдийн бүлгийн ахлагч Д.Сайнцог уг зам тавих ажлыг наадмаас өмнө дуусгахаар төлөвлөн ажиллаж байна хэмээлээ гэж дүүргийн Хэвлэл мэдээллийн албанаас мэдээллээ.