Ногооны зооринд хоёр хүн амиа алджээ

Автор | Zindaa.mn
2015 оны 07 сарын 22

Өчигдөр 11:56 цагт Орхон аймгийн Онцгой байдлын газарт Баян-Өндөр сумын Эрдэнэ багийн 9-10 тоот, “Хүлэг” хүнсний захын хашаан дотор, хүнсний ногооны зооринд ажиллаж байсан хоёр иргэн ухаан алдаж унасан тухай дуудлага иржээ. Эрэн хайх, аврах бүлгийн 5 албан хаагч, 1 автомашинтайгаар ослын газар очиход 5-6 метрийн гүнтэй, хүнсний ногооны зориулалттай нүхэн зооринд иргэн Н /43 настай, эрэгтэй/, иргэн Х /45 настай, эрэгтэй/ нар агааргүйн улмаас нас барсан байдалтай байсныг гаргаж, тус аймгийн Цагдаагийн газрын жижүүрийн бүрэлдэхүүнд хүлээлгэн өгсөн байна.

Хэргийн газарт Орхоны Онцгой байдлын газар, Цагдаагийн газар, Мэргэжлийн хяналтын  газар, “Эрдэнэт үйлдвэр” ХК-ий Гамшгаас хамгаалах штабын тэргүүлэх мэргэжилтэн Р.Энхболд, Хөдөлмөрийн аюулгүй байдал, эрүүл ахуйн хэлтсийн хими, цацрагийн асуудал  хариуцсан инженер Д.Батсайхан нарын хамтарсан ажлын хэсэг ажиллажээ. Улмаар тус зоорины орчны агаарт “TAPPA” багажаар хэмжилт хийхэд ямар нэгэн цацраг, химийн шинж тэмдэг илэрээгүй байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Хангал(119.40.100.222) 2015 оны 07 сарын 22

Маш их харамсалтай байна. Нас барсан нэг хүн нь манай нагац ахын хүү байсан. Хөдөлмөрч, сайхан сэтгэлтэй ах байсан. Ум мани бадми хум.

0  |  0
Top