Универсиадад оролцсон багт 80 сая төгрөгийн дэмжлэг үзүүлжээ

Автор | Zindaa.mn
2015 оны 07 сарын 24

Эрүүл мэнд, спортын сайд Г.Шийлэгдамба Дэлхийн оюутны спортын 28 дугаар Универсиад наадмаас медаль хүртсэн баг тамирчдыг яаман дээрээ  хүлээн авч уулзан,  хүндэтгэл үзүүллээ.  Энэ үеэр Дэлхийн оюутны спортын 28 дугаар Универсиад наадмаас медаль хүртсэн тамирчдад наадмын зохин байгуулах хорооноос олгосон дипломыг албан ёсоор гардуулсан юм.

ЭМСЯ-наас Универсиадад оролцох баг тамирчдад 80 сая төгрөгийн дэмжлэг үзүүлсэн билээ. Үүнээс  60 сая нь тамирчдын  замын зардал болон баг тамирчдын нэгдсэн хувцсанд зарцуулсан аж. 

 Үндэсний шигшээ багийн зарим тамирчид ЭМСЯ-ны  харьяа Биеийн тамир спортын хөгжлийн төвөөс зардлаа гаргуулан явсан бол “МИАТ” ХК-ийн зүгээс Универсиадад оролцсон нийт тамирчдын тээврийн зардлын  25 хувийн хөнгөлөлт үзүүлэн, суудлыг хангалттай гарган өгч ихээхэн туслалцаа дэмжлэг үзүүлсэнд талархаж байгаагаа уламжиллаа.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top