XX дугаар зууны манлай бөх Х.Баянмөнх аваргын хөшөө бослоо

Автор | Zindaa.mn
2015 оны 07 сарын 24

Увс аймаг энэ өдрүүдэд 90 жилийн ойн баяр наадмаа өргөн дэлгэр тэмдэглэхийн сацуу тус нутгаас төрөн гарсан Монгол улсын хөдөлмөрийн баатар, гавьяат тамирчин Х.Баянмөнөхд зориулан хөшөөг нь босголоо.

20 дугаар зууны манлай Их аварга Х.Баянмөнхийн хөшөөг ийнхүү төрж өссөн Увс аймгийнх нь төв Улаангом хотын спортын ордны урд талбайд босгосон. Хөшөөний суурь нь дэлхийн бөх гэдгийг нь бэлэгдэн бөмбөрцөг хэлбэртэй хийсэн ажээ.

Мөн маш олон өрсөлдөгч нарын дундаас монгол бөхийн ноён оргилд хүрсэн бөх гэдгийг нь далайн шуурга салхи мэт дүрсээр илэрхийлсэн гэнэ. Үндэснийхээ монгол бөхөөр улсын наадмыг арвантаа манлайлж, чөлөөт бөхөөр дэлхийн аварга, олимпийн мөнгөн медаль хүртсэн Хорлоогийн Баянмөнх аварга ийнхүү хөшөөнд мөнхөрлөө.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top