Дэлхийн хамгийн алдартай зураг 70 жилийн дараа Монгол Улсад давтагдав

Тэртээ 70 жилийн өмнө буюу 1945 онд АНУ-ын Нью-Йорк хотын алдарт “Тайм-Скүэйр” талбайд авсан зураг өдгөө дэлхийн хамгийн алдартай зургаар нэрлэгддэг бөгөөд энэ зургийг “Ялалтын үнсэлт” хэмээдэг. Японтой дайтах болсон АНУ-ын усан цэргүүд шийдвэрлэх дайнд явах болсонтой холбогдуулан ард түмэнтэйгээ салах ёс хийж, тэднийг гаргаж өгөхөөр ирсэн хүмүүсийн зургийг дарж явсан нэгэн гэрэл зурагчин тааралдсан бүсгүй болгоноо үнсэх усан цэргүүдийн зургийг авч яваад нэгэн сувилагч бүсгүйг барьж аван үнсэх усан цэргийн зургийг гэрэл зургийн хальснаа буулгасан нь өдгөө дэлхий хамгийн алдартай зураг бослон юм. Түүнчлэн энэ үйл явдлын дараа АНУ Японыг ялснаар уг зураг нэр алдрын оргилд хүрч, “Ялалтын үнсэлт” хэмээх нэртэй болсон юм. Өдгөө “Ялалтын үнсэлт”-ийг хүндэтгэсэн хөшөө “Тайм-Скүэйр”-т заларч жил бүр олон мянган хүмүүс нэгнийгээ ялалтын үнсэлтээр үнсдэг болсон юм. Тэгвэл 70 жилийн дараа Монгол Улсад энэ үйл явдал давтагдав бололтой, оюутан цэргүүд Чингисийн талбайд тангараг өргөх ёслолын үеэр найз охиноо тэврэн үнсэх нэгэн оюутан цэргийн зураг тун чиг адилхан байгаа нь эрхгүй нэгийг бодогдуулна. Тэгээд ч эр цэргийн албаа нэр төртэй хаагаад ирсэн түүний энэ үнсэлтийг ялалтынх гэмээр.