Л.Гансүхийн шүүх хурал дахин хойшлогдлоо

Өнөөдөр өглөө 9:00 цагт болох байсан Л.Гансүхийн шүүх хурал хойшилсон байна. Уг шүүх хурал өмнө нь хоёр ч удаа хойшлоод байсан бөгөөд өнөөдөр хойшилсноор гурав дахиа хойшилж байгаа нь энэ юм. Шүүх хуралд Ерөнхий сайд Н.Алтанхуяг гэрчээр оролцох хүсэлтээ гаргаж өнөөдөр өөрийн биеэр шүүх хуралдаан дээр хүрэлцэн ирсэн юм. Харин шинжээчийн зүгээс шүүх хуралд Багануурын нүүрсний уурхайн удирдлагуудыг оролцуулах хүсэлт гаргажээ. Тиймээс уг хүсэлтийг хүлээн авч гэрчүүд ирээгүй гэсэн үндэслэлээр шүүх хуралдаадыг энэ сарын 10-ны өдрийг хүртэл хойшлууллаа. Дараагийн шүүх хурал хорих 461-р ангид болохоор товлогдсон байна. Өнөөдрийн шүүх хуралдааныг олон нийтийн мэдээллийн хэрэгслээр шууд дамжуулахаарр болоод байсан билээ.

Л.Гансүхийг Эрүүгийн хуулийн тусгай ангийн 150.3, 263.2-т зааснаар буруутган шүүх юм. Түүнийг Шинэчлэлийн Засгийн газраас хэрэгжүүлсэн “Нүүрс” хөтөлбөрийн хөрөнгөнөөс 13 тэрбум төгрөг завшуулсан байж болзошгүй хэрэгт буруутган шүүж буй билээ.