Хөвсгөлд гарсан түймрийг цурманд оруулж чадахгүй байна

Өнгөрсөн наймдугаар сарын 27-нд Хөвсгөл аймгийн Ренчинлхүмбэ, Цагааннуур сумын заагт байрлах Хоолойн зах багийн "Хар давааны Ам" гэдэг газарт ой хээрийн түймэр гарсан. Тэгвэл уг түймрийг өнөөдрийг хүртэл унтрааж чадаагүй байгаа талаар Онцгой байдлын газраас мэдээллээ. Түймрийг унтраахаар 24 албан хаагч, хоёр автомашин, орон нутгийн 48 иргэн, 5 автомашин ажиллаж байгаа аж. Гэсэн хэдий ч түймрийг цурманд оруулж чадахгүй байгаа бөгөөд түймэр дэгдсэн газар хуурайшилт, салхи ихтэй байгаагаас хүндрэл учраад байгаа аж.