Үр тарианы хураалт 46 хувьтай байна

Гантай байсан ч гэсэн газар эхийнхээ хишгийг хурааж эхлээд байна. Энэ онд улсын хэмжээнд 512.3 мянга га-д тариалалт хийсэн. Тухайлбал, 360.7 мянган га-д буудай, 12.5 мянган га-д төмс, 7.1 мянган га-д хүнсний ногоо, 78.5 мянган га-д тосны ургамал, 5.4 мянган га-д эмийн ургамал, 19.5 мянган га-д тэжээлийн ургамал тариалжээ.

Харин намрын энэ өдрүүдэд тариа ногоо хураах ажил ид явагдаж байна. Тодруулбал, өчигдрийн байдлаар нийт 137.2  мянган га талбайгаас 114.2 мянган тонн үр тариа, 10.3 мянган га-гаас 129.4 мянган тонн төмс, 5.3 мянган га-гаас 58.5 мянган тонн хүнсний ногоо, 14.1 мянган га-гаас 20.9 мянган  тонн тэжээл, 10.1 мянган га-гаас 5.5 мянган тонн тосны ургамал  тус тус хураан аваад байгаа аж.

Улсын хэмжээнд үр тарианы хураалт 46.2 хувьтай, төмсний хураалт 85.1 хувьтай, хүнсний ногооны хураалт 83.1  хувьтай байгаа бөгөөд ургац хураалтын ажилд 950 цэргийн алба хаагч, 650 гаруй оюутан, залуус гэрээгээр ажиллаж байна.