ЦЕГ-ын Эрүүгийн цагдаагийн газрын ажилтнууд амарч, зугаалж явахдаа нэгнийнхээ амь насыг хөнөөсөн гэх дуулиан дэгдээд байгаа билээ. Тодруулбал, тус газрын Төлөвлөлт, зохион байгуулалтын хэлтсийн алба хаагчид өнгөрсөн долоо хоногийн баасан гаригт Налайхад байрлах амралтын газар очиж амарч байхдаа, нэгнийхээ амь насанд хүрсэн ноцтой хэрэг гарчээ. Тус хэлтсийн ажилтан Х-гийн амь насыг хамт ажилладаг Ө гэгч цагдаа хөнөөсөн талаарх мэдээлэл байна. Тэгвэл хүний амь насыг бүрэлгэсэн хэргээр Ө-г сэжиглэн баривчилж, цагдан хорьсон байна.
Уг хэрэг гарсантай холбоотойгоор ЦЕГ-ын даргын зөвлөл хуралдаж, Эрүүгийн цагдаагийн газрын Төлөвлөлт, зохион байгуулалтын хэлтсийн нэр бүхий албан тушаалтнуудад Төрийн албаны тухай хуульд зааснаар хариуцлага тооцсон байна. Тухайлбал, Эрүүгийн цагдаагийн газрын Төлөвлөлт зохион байгуулалтын хэлтэсийн дарга, цагдаагийн дэд хурандаа н.Батдэлгэрт цалингийн хэмжээг зургаан сарын хугацаанд 20 хувиар торгож, албан тушаалыг нь бууруулахаар, тус хэлтсийн ахлах мэргэжилтэн цагдаагийн хошууч Б.Батзаяад мөн цалингийн хэмжээг зургаан сарын турш 20 хувиар торгож албан тушаал бууруулахаар шийтгэл оноожээ. Түүнчлэн Төрийн албаны тухай хуулийн 25-р зүйлд зааснаар цагдаагийн ахлах ахлагч Б.Ган-Эрдэнийг төрийн албанд ажиллах эрхийг нэг жил хүртлэх хугацаагаар хасч, ажлаас нь халсан бол жижүүрийн цагдаа, цагдаагийн ахлах ахлагч Л.Батсуурийн цалингийн хэмжээг зургаан сарын турш 20 хувиар бууруулж, албан тушаал байрыг өөрчлөх,тус газрын бичиг хэргийн ажилтан цагдаагийн ахлах ахлагч Б.Өлзийбуянг мөн төрийн албанд ажиллах эрхийг нь нэг жилээр хязгаарласан байна.
Сэтгэгдэл ( 7 )
Тэр алсан цагдааг нь цаазаар ав!
Алба хаагчдаараа туг тахиад өнгөрөх гэж байгаа юм байна даа ууг нь хамгийн шударга байх байгууллага нь цагдаагийн байгууллага л баймаар юм Ганболд генерал шиг өөрөө хариуцлагаа үүрээд өөрийн хүсэлтээ гаргах нь шударга болох байхдаа
Hunii ami nas zugeer l Alban tushaal munguur hemjigddeg bolsiin bna
Neg zorchild sahilgyn shiitgeliig davharduulan onooson bn, hodolmoryn huuliig zorchij onooson shiitgel bn, deed tal ni 3 sar tsalin buuruulah yostoi, mon alban tushaal buuruulah gesen shiitgel baidaggui, shuud l halah yostoi yum bishu? Ajild ni heveer uldeehiin tuld ingej huuli zorchson hudlaa shiitgel noogduulah hereg bgaamu?
Нэг офицерын алтан амь = 3 ахлагчийн сахилгын шийтгэл. Үйлийн үр гэж байдаг юм даа.
Нэг офицерын алтан амь = 3 ахлагчийн сахилгын шийтгэл. Үйлийн үр гэж байдаг юм даа.
Нэг офицерын алтан амь = 3 ахлагчийн сахилгын шийтгэл. Үйлийн үр гэж байдаг юм даа.