Г.Шийлэгдамбын зүрхний хууч өвчин нь сэдэрсэн гэнэ

Эрүүл мэнд, спортын сайд асан Г.Шийлэгдамбыг  авлигын хэргээр  саатуулсан. АТГ-аас түүнийг их хэмжээний  авлига авсан хэмээн Эрүүгийн хуулийн тусгай ангийн 268-д зааснаар  хэрэг үүсгэн шалгаж байгаа юм. Мөрдөн байцаалтын явцад түүнийг  яллагдагчаар татаж, 60 хоног үргэлжлүүлэн хорих шийдвэр гаргаад байгаа.

Тэгвэл сүүлийн өдрүүдэд Г.Шийлэгдамбын биеийн байдал муудсан талаарх мэдээлэл гарах болсон. Энэ  мэдээллийг түүний өмгөөлөгч баталж, яаралтай эмнэлэгт хэвтүүлэх шаардлагатай байгааг хэлж байна. Тодруулбал Г.Шийлэгдамба зүрхний хууч өвчтэй бөгөөд хоригдох явцад өвчин нь сэдэрсэн аж. Тиймээс өмгөөлөгч нь батлан даалтад гаргах хүсэлтэй байсан ч шүүх хүлээж аваагүй юм.