“Хэрэглэгчийн эрх, боловсрол” холбооноос өнөөдөр сэтгүүлчдэд мэдээлэл хийлээ. Нийслэлийн Засаг дарга Э.Бат-Үүлд түүний орлогч Н.Буяндалай, Н.Батаа, Ц.Гантөмөр нарын зургаан даргыг огцруулахыг шаардсан шаардлагыг хүргүүлсэн бөгөөд шаардлагын дагуу өнөөдөр /2016.04.22/ цуглаан зохион байгуулахаар хандсан боловч хуульд байхгүй шалтгаанаар хоригложээ.
“Хэрэглэгчийн эрх, боловсрол” холбооны гишүүн Г.Баярсайхан “Монгол Улсад жагсаал, цуглаан хийх эрх зөрчигдөж байна. Гадны улсуудад уулзалт болж л байдаг ард иргэд нь жагсаал хийж л байдаг. Өнөөдөр АСЕМ-ын уулзалттай холбоотой муу хувцастай хүнийг цагдаа нар барьж байна гэнэ. Бид энэ бүгдээс айгаад жагсаал хийхгүй байх ямар ч шалтгаан байхгүй. Манай оронд ардчилал бус дарангуйлал ноёрхжээ” гэв.
Засаг захиргаа, нутаг дэвсгэрийн нэгж, түүний удирдлагын тухай хуулийн 30.1.2-т ”Аймаг, нийслэлийн Засаг даргын орлогчийг тухайн Хурлын Тэргүүлэгчидтэй зөвшилцөн томилж, чөлөөлнө” гэж заасан байдаг байна. Мөн “нийслэлийн Засаг дарга 1-2 орлогчтой байх ёстой” гэж заасан байдаг байна. Эдгээр заалтыг зөрчиж байгаа учраас “Хэрэглэгчийн эрх, боловсрол” холбоо Улаанбаатар хотын Захирагч Э.Бат-Үүлд шаардлага хүргүүлсэн юм байна. Мэдээлэл хийсэн холбооны гишүүн Б.Цэрэнгийн хэлснээр одоо нийслэл болоод дүүргүүд 42 орлогч даргатай байгаа юм байна
Сэтгэгдэл ( 1 )
ОДОО Л МЭДЭЖ БАЙГАА ЮМ БАЙХ ДАА НОЙРНООСОО СЭРЭЭЧ ЭЭ ЮУГАА Ч МЭДЭХГҮЙ ДАРАНГУЙЛАЛД АВТАГДААД Л БАЙГАА БИЗ ДЭЭ ХАРСААР БАЙТАЛ