Нойтон цас орж, салхи шуургатай байна

Автор | Zindaa.mn
2016 оны 05 сарын 01

2016 оны 05 дугаар сарын 01-ний 21 цаг хүртэлх цаг агаарын урьдчилсан мэдээллийг хүргэж байна. 

Малчид, ард иргэд, тээвэрчдийн анхааралд:

Өнөөдөр нутгийн зүүн хагаст хур тунадас, нойтон цас орж, салхи шуургатай байхыг анхааруулж байна.

Ихэнх нутгаар үүлэрхэг. Төвийн нутгийн өмнөд, говийн нутгийн зүүн хэсэг  болон зүүн зүгийн нутгийн ихэнх хэсгээр  бороо, нойтон цас орно. Салхи баруун хойноос секундэд 7-12 метр, нутгийн зүүн хагаст  секундэд 14-16 метр хүрч ширүүснэ. Алтай, Хангай, Хөвсгөл, Хэнтэйн  уулархаг нутаг, Хүрэн бэлчир, Туул,  Тэрэлж голын хөндийгөөр 3-8 градус,  бусад нутгаар 7-12 градус дулаан байна.

УЛААНБААТАР ХОТ:  Үүлэрхэг. Өглөөгүүр хур тунадас, нойтон цас  орно. Салхи хойноос секундэд 7-12 метр. Өдөртөө 7-9 градус дулаан байна.

Өглөө 06 цагт Улаанбаатарт: 1 градус дулаан, харьцангуй чийг 92 хувь, агаарын даралт 857 гектопаскаль байлаа. Даралт өдөртөө өснө.  

2016 оны 05 дүгаар сарын 02-ноос 05 дугаар сарын 06-ныг хүртэлх

 цаг агаарын урьдчилсан төлөв:   

2,5-нд зүүн зүгийн нутгаар, 3-нд баруун болон төвийн нутгийн хойд хэсгээр, 4-нд зарим газраар бороо, уулархаг нутгаар нойтон цас орно. Салхи 3-4-нд зарим газраар секундэд 14-16 метр хүрч шороон шуурга шуурна. Ихэнх нутгаар сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Халх голын хөндийгөөр шөнөдөө 1-6 градус хүйтэн, өдөртөө 4-9 градус, говийн бүсийн нутгийн өмнөд хэсгээр шөнөдөө 3-8 градус, өдөртөө 13-18 градус, бусад нутгаар шөнөдөө 2 градус хүйтнээс 3 градус дулаан, өдөртөө 8-13 градус дулаан байна. 3-нд ихэнх нутгаар дулаахан байна гэж Ус цаг уурын орчны хүрээлэнгээс мэдээлж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top