Эхнэртэйгээ муудалцсаны улмаас мөнгө цацсан гэжээ

Өнгөрсөн амралтын өдрүүдээд машины цонохоор 10.000 болон 20.000-тын дэвсгэрт цацсан мэдээ сошиалаар түгсэн. Мэдээлэлд дурдсанаар Багшийн дээдийн автобусны буудлын ойролцоо, мөн Улаанбаатар их дэлгүүрийн орчим хар өнгийн Жи класс машинтай 00-06 УНК улсын дугаартай машинд сууж явсан залуус арав, хорин мянгатын дэвсгэртүүдийг иргэдэд тараасан гэж байв.

Цагдаагийнхан энэ мэдээллийн мөрөөр шалгаж эхэлсэн байна. ЦЕГ-аас өгсөн эхний мэдээллээр эхнэртэйгээ муудалцсан залуу 700-800 мянган төгрөгийг гадуур машинтайгаа явж тараасан гэдгээ хүлээн зөвшөөрчээ. Барилгын компанийн захирал тэрбээр ингэж мөнгө цацсан нь сонгуультай ямар ч хамааралгүй гэсэн тайлбар хийсэн байна.