БНСУ-ын виз хүсэгчдэд цагдаагийн тодорхойлолт олгож эхэллээ
Ойрын үед БНСУ-ын виз мэдүүлгийн талаар зарим зүйл дээр ойлгомжгүй хэл ам ихтэй байна. Өчигдрийг хүртэл цагдаагийн газраас олгодог тодорхойлолт олгохгүй гэсэн шалтгаанаар БНСУ-д анх зорих иргэд виз мэдүүлэх боломжгүй байсан. Мөн нийтээрээ эдийн засгийн хямрал хэмээх шалтгаанаар гадаадыг, тэр тусмаа БНСУ-ыг зорихыг хүсэх болж үүнтэй холбоотойгоор БНСУ-ын визний мэдүүлэг хүлээн авдаг байгууллагууд ачааллаа дийлэхгүйд хүрч урт дараалал үүсч иргэдийг чирэгдүүлэх тохиолдол гарсан байдаг.
Тэгвэл эдгээр асуудлууд шийдэгдэн хэвийн байдалдаа эргэн орж эхэллээ. Тухайлбал дөрөвдүгээр сарын 06-ны өдөр Хууль зүйн яамны сайдын тушаал гарч иргэдэд Цагдаагийн газрын тодорхойлолтыг гаргаж өгөх болсон байна.
Мөн Визний мэдүүлэг хүлээн авдаг “Паспорт интернэшнл”, “Монгол Солонгосын хүмүүнлэгийн харилцааны нийгэмлэг”, “Бридж Хан-Монлау” гэсэн гурван байгууллага иргэдэд үйлчилдэг байсан бол энэ удаад дөрвөн байгууллага нэмэгдсэн нь иргэдэд хүргэх үйлчилгээг сайжруулах, хүртээмжтэй болгосон ба үйлчилгээний байршлыг ч анхаарчээ.
Шинээр нэмэгдсэн байгууллагууд:
Байрлал: Сүхбаатар дүүрэг, Чингис тур компанийн 2 давхар
Утас: (+976)9916-6177, (+976)11-32-1770
Цагийн хуваарь: Даваа-Баасан: 09:00-12:30, 13:30-18:00
Байрлал: Хан-Уул дүүрэг, Ажилчдын соёлын ордрны баруун талд (Ez-visa&tour), 19-р хороолол
Утас: (+976)7014-3332, (+976)9462-0000
Цагийн хуваарь: Даваа-Баасан: 09:00-18:00, Бямба: 10:00-15:00
Байрлал: Баянгол дүүрэг, Бэкду таун 59 байр 303 тоот (10-р хороолол МТ бензин колонкын чанх хойно Төмөрийн Бөөний Төв барилгын 3 давхарт)
Утас: (+976)7722-7700, (+976)7722-7744
Цагийн хуваарь: Даваа-Баасан: 09:00-18:00, Бямба: 10:00-15:00
Байрлал: Чингэлтэй дүүрэг, Монгол ньюс ххк-ны байр 1 давхарт
Утас: 321989
Цагийн хуваарь: Даваа-Баасан: 09:00-18:00
БНСУ-ын виз мэдүүлэгч иргэдийн хувьд заавал БНСУ-ын ЭСЯ-ыг зорилгүй өөрт ойр байрлалтай виз мэдүүлэг хүлээн авах байгууллагад очиж үйлчлүүлэх боломж нээгдлээ.
Эх сурвалж: БНСУ-ын ЭСЯ
Холбоотой мэдээ
Сэтгэгдэл ( 1 )
ЗӨВ ШҮҮ =D>