Зүүн аймгуудад түймэртэй байна
Зүүн аймгуудад өдөртөө 38 хэм хүрч халж байгаагийн улмаас Дорнодод дөрөв, Сүхбаатарт нэг түймэр дэгдээд байгаа аж. Тодруулбал, Дорнод аймгийн Халхгол сумын Ялалт багийн нутаг Замын худаг гэдэг газарт энэ сарын 4-ний үдээс хойш хээрийн түймэр гарчээ. Уг түймрийг орон нутгаас дайчлагдсан 16 иргэн “Петро Чайна Тамсаг” ХХК-ийн 25 ажилтан, Хилийн 0306 дугаар ангийн 10 цэрэг унтрааж байгаа.
Мөн Ялалт багийн Бор толгой гэдэг газарт энэ сарын 5-ны 13:00 цагт хээрийн түймэр дэгдэн аймгийн Онцгой байдлын газраас долоон гал сөнөөгч, “Петро Чайна Тамсаг” ХХК-ийн 25 ажилтанг дайчлаад байгаа аж.
Түүнчлэн Чойбалсан сумын Хөхнуур багийн Хавирга-Өртөөд энэ сарын 5-ны 09:25 цагт гарсан түймрийг шөнө нь бүрэн унтраажээ. Уг түймэрт 45 км урт, 40 км өргөн бэлчээр өртжээ.
Холбоотой мэдээ
Сэтгэгдэл ( 0 )