Хойд эх болсон сайхан сэтгэлт жүжигчин бүсгүй хүүхэд үрчилж авах бодолтой

Автор | Zindaa.mn
2016 оны 10 сарын 12

Нэгэн үе драмын театраар овоглож асан жүжигчин Т.Хулан театраасаа гараад хоёр жил болж буй. Энэ хугацаад тэрээр нөхөртэйгөө хамтран уран бүтээл туурвиж байгаа бөгөөд “Гэрлэн дохио” олон ангит кино нь Боловсрол суваг телевизээр үзэгчдийн хүртээл болж эхлээд байгаа билээ.

УДЭТ-т найман оныг үдсэн түүнийг ажиллаж байх хугацаанд домогт "Ромео Жульетта" тавигдаагүй юм. Энэ талаар Т.Хулан:

“Жульеттагийн дүрд ямар ч эмэгтэй жүжигчин тоглохыг хүсдэг нь мэдээж. Гэхдээ намайг ажиллаж байх хугацаанд ийм боломж тохиосонгүй. Гэсэн ч тоглоогүйдээ харамсаагүй.

Ямархуу Жульетта болсон бол гэж сонирхсоноос би байсан бол гэж бодох зав үнэндээ гараагүй” гэсэн юм.

“Go adventure” студийн захирал Д.Галбаяртай дэр нийлүүлээд долоо дахь жил амьдралаа бадамлуулж буй тэд гурван хүүхэдтэй. Том охиныг нь өмнөх эхнэр Н.Оюунчимэгийн хүүхэд бөгөөд өдгөө энэ бүсгүйг Аглуугийн эхнэр болсон гэдгийг үзэгчид андахгүй.

“Хүн хүнд илүүддэггүй гэж боддог. 23 настай байхдаа 6 настай охины хойд ээж болж байлаа. Анхандаа бэрхшээл бишгүй тохиолдож байсан. Өөрөө ээж болж байж ээж гэдэг үгний утга учрыг бүр их ухаарсан. Охиноо өөрийн төрсөн хүүхэд шигээ л санадаг. Охин маань одоо 13-тай, бид тавуулаа сайхан л амьдарч байна” хэмээн сайхан сэтгэлт жүжигчин бүсгүй өгүүлсэн юм.

Т.Хулан нэг дүүтэй айлын том охин болохоор олуулаа байхыг хүсдэг. Улам ч илүү өнөр өтгөн айл болохыг хүсдэг тэрээр өөрөө хүндрэлтэй төрдөг болохоор үрчилж аваад өсгөчихсөн ч яахав хэмээн боддог гэнэ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
(111.200.255.67) 2017 оны 12 сарын 10

tom ohin n hoorhon yumaa bas aztai.iim sain hoid eejtei.hund hun iluudehgui.orgoj avaarai.

0  |  0
Top