“Хүүхдийн найрал дууны наадам” гала тоглолтод 1600 гаруй хүүхэд ая дуугаа өргөлөө

Нийслэлийн Засаг дарга  бөгөөд Улаанбаатар хотын Захирагчийн ивээл дор  жил бүр  уламжлал болгон зохион байгуулдаг Монгол улсын Хөдөлмөрийн баатар, Төрийн шагналт, Ардын  жүжигчин Дагвын Лувсаншарав агсны нэрэмжит “Хүүхдийн найрал дууны шилдэг хамтлаг” шалгаруулах 24 дэх удаагийн уралдааны шилдэгүүдийн тоглолт аравдугаар сарын 28-нд Соёлын төв өргөөнд боллоо.

Нийслэлийн Засаг дарга бөгөөд Улаанбаатар хотын Захирагч С.Батболд Хүүхдийн найрал дууны гала тоглолтыг нээж хэлсэн үгэндээ “Хүүхдийн найрал дууны анхны наадамд оролцож байсан хүүхэд багачууд өнөөдөр хотынхоо бүтээн байгуулалт, хөгжил цэцэглэлтэд хувь нэмрээ оруулсан иргэд болон төлөвшжээ. Би хотын даргын хувьд хүүхдүүдийн  соёл урлагийн боловсролд онцгой анхаарч ажиллана Цаашид хүүхэд багачуудынхаа урлаг, соёл, боловсролыг ямагт дэмжин ажиллаж, тэднийхээ төлөө “За” гэдэг үгийг харамгүй хэлэх болно” гэлээ.

Хүүхдийн найрал дууны наадмын Гала тоглолтод 1600 гаруй  хүүхэд оролцон ая дуугаа өргөлөө.