ХДХВ-ын халдвараас урьдчилан сэргийлэх анхны эмийг гаргажээ

АНУ-ын Эрүүл мэндийн үндэсний хүрээлэнгийн эрдэмтэд ХДХВ-ын халдвараас сэргийлэх боломжтой Трувада эмийг гарган авчээ. Энэ нь ДОХ-ын вирусын халдвар авахаас сэргийлэх үүднээс гарч буй анхны шахмал эм бөгөөд энэхүү эм гарсанаар ДОХ-той тэмцэх ажилд ахиц дэвшил гарлаа хэмээн дэлхийн хэвлэлүүд онцолж байна.

Энэхүү эмийг ДОХ-ын халдваргүй иргэд урьдчилан сэргийлэх маягаар хэрэглэх ёстой бөгөөд ингэхдээ ретровирусын эмтэй хавсарч хэрэглэх ёстой ажээ.

Эмийг гаргаж авсан эрдэмтэдийн тооцоогоор энэхүү эм халдвар авах эрсдлийг 45-75 хувь хүртэл бууруулдаг гэнэ. Тус эм АНУ-ын эмийн сангуудаар 30 ширхэг нь 1564 доллараар худалдаалагдаж байгаа ажээ. 

О.Туяа